علی امین گنڈاپور آخری وقت تک بشریٰ بی بی کیساتھ کھڑے رہے، شیر افضل مروت

شیر افضل مروت کا کہنا ہے کہ علی امین گنڈاپورآخری وقت تک بشریٰ بی بی کیساتھ کھڑے رہے۔

قومی اسمبلی میں اظہار خیال کرتے ہوئے پاکستان تحریک انصاف کے رکن قومی اسمبلی شیر افضل مروت نے کہا کہ میں پوچھتا ہوں 26نومبر کو ہم پر گولیاں کیوں چلائی گئیں؟ مارا بھی ہمیں، زخمی بھی ہم ہوئے اور مقدمات بھی ہمارے خلاف قائم ہورہے ہیں۔

مزید پڑھیں: عمران خان کو اقتدار میں لانے کا مرکزی کردار فیض حمید نے ادا کیا ، خواجہ آصف

انہوں نے کہا کہ پشتونوں کیساتھ ناروا سلوک جاری ہے۔ ہمارے ارکان عدالتوں کے چکر لگا رہے ہیں۔ ایسے غریبوں پر مقدمات بنائے جارہے ہیں جن کا تعلق پی ٹی آئی سے ہے ہی نہیں۔

انہوں نے مزید کہا کہ حکومتی اراکین عمران خان کو مجرم کہہ کر صرف ہمارا موڈ خراب کرتے ہیں۔ حکومت نے ہمیں مارا اور ہماری املاک لوٹیں۔

قومی اسمبلی کا اجلاس کل دن 11بجے تک ملتوی کر دیاگیا۔