مرغی کی قیمت میں ایک بار پھر اضافہ ہوگیا

لاہور، مرغی کی قیمت میں ایک بار پھر اضافہ ہو گیا ہے، گزشتہ کچھ دنوں میں قیمت میں نمایاں کمی ہوئی تھی۔

لاہور میں جاری کئے گئے سرکاری نرخنامے کے مطابق برائلر گوشت کی قیمت میں 14روپے فی کلو اضافہ ہوا ہے۔

اس اضافے کے بعد مرغی کا گوشت فی کلو 417روپے کا ہوگیا ہے، زندہ برائلر کی قیمت میں 10روپے کا اضافہ ہوا ہے جس کے بعد قیمت 288روپے کلو ہو گئی ہے۔

لاہور انتظامیہ کی جانب سے جاری کئے گئے سرکاری نرخنامے میں انڈوں کی قیمت میں کوئی تبدیلی نہیں کی گئی ہے، انڈے 324روپے فی درجن ہیں۔