یوم یکجہتی کشمیر: آئی ایس پی آر کا نیا نغمہ “کشمیر بنے گا پاکستان” جاری

اسلام آباد: یوم یکجہتی کشمیر کے موقع پر آئی ایس پی آر نے ایک نیا نغمہ “کشمیر بنے گا پاکستان” جاری کر دیا ہے۔

آئی ایس پی آر کے مطابق اس نئے نغمے کو معروف گلوکار راحمد جہانزیب نے گایا ہے جبکہ اس کی دھن عرفان سلیم اور کامران اللہ خان نے ترتیب دی ہے۔ اس نغمے کے بول عمران رضا نے لکھے ہیں۔

آئی ایس پی آر کا کہنا ہے کہ پانچ فروری کی مناسبت سے تیار کیا جانے والا یہ نغمہ ایک عزم اور یکجہتی کا پیغام ہے۔ یہ قومی نغمہ اس بات کا اظہار بھی کرتا ہے کہ پورا پاکستان مقبوضہ کشمیر کے غیور اور دلیر کشمیریوں کے ساتھ کھڑا ہے۔