ہماری حکومت کی ایک سال کی کارکردگی کے مخالفین بھی معترف ہیں: حنیف عباسی

مسلم لیگ ن کے رہنما حنیف عباسی نےکہا ہے کہ پاکستان کو توڑنے والے آج شرمسار ہیں۔

تفصیلات کے مطابق حنیف عباسی کا ایک تقریب سے خطاب کرتے ہوئےکہنا تھا کہ تاجروں کو سہولیات کی فراہمی ہمیشہ ہماری ترجیح رہی ہے،اس وقت ملک ترقی کی راہ پرگامزن ہے ، ہماری حکومت کی ایک سا ل کی کارکردگی کے مخالفین بھی معترف ہیں۔ان کا کہنا تھا کہ انتشاراورفسادکی سیاست ملکی مفادمیں نہیں ہے ۔

یہ بھی پڑھیں:علی امین گنڈاپور خیبر پختونخوا کی شناخت مٹانے کے مشن پر گامزن ہیں، فیصل کریم کنڈی

وطن عزیزپاکستان کی حفاظت کے لیے ہماراخون بھی حاضر ہے۔مسلم لیگی رہنما کا کہنا تھا کہ ملکی سلامتی ہماری ریڈ لائن اور گالم گلوچ کا کلچر بند ہونا چاہیے، تحریک انصاف کے دور میں ہمارے دوست ممالک ناراض ہوئے، پی ٹی آئی کے دورحکومت میں ترقی کا ایک منصوبہ بھی نہیں لگا۔