مرغی کی قیمت کو پَر لگ گئے، ملک بھر میں نرخوں میں ہوشربا اضافہ ہو گیا

برائلر مرغی کی قیمتیں عوام سے پہنچ سے دور ہو گئیں ، اسلام آباد، راولپنڈی، پنجاب سمیت ملک مختلف شہروں کی ہول سیل مارکیٹوں میں برائلر مرغی 19600 روپے من میں فروخت کی جانے لگی ۔

تفصیلات کے مطابق برائلر مرغی کے نرخوں میں پنجاب سمیت ملک بھر میں پھر بڑا اضافہ دیکھنے میں آیا ہے، مرغی کا گوشت 1000روپے فی کلو سےکی سطح سے اُوپر چلا گیا، جڑوں شہروں راولپنڈی اسلام آباد سمیت پنجاب بھر میں برائلر مرغی کی قیمت19600 روپے من آج ہول سیل منڈیوں میں فروخت کی گئی۔

یہ بھی پڑھیں:سوزوکی آلٹو گاڑی کے موٹروے داخلے پر پابندی کی افواہیں زیرِگردش

زندہ برائلر مرغی 590 روپے فی کلو میں فروخت ہورہی ہے، پولٹری فارم ایسوسی ایشنز کے گٹھ جوڑ سے مقدس مہینے میں فارمز مالکان نے غریب عوام کی جیبوں سے کروڑوں روپے نکلوا لئے۔ رمضان المبارک سے قبل چکن مافیا نے 12 ہزار روپے فی من میں فروخت مرغی کو 19600 روپے تک پہنچا دیا۔

یہ بھی پڑھیں:عید سے قبل عوام اور ٹرانسپورٹرز کو پیٹرولیم مصنوعات کی قیمتوں میں بڑی کمی کی خوشخبری ملنے کا امکان

چینی مافیا کے بعد مرغی فارمز بڑا مافیا بن گیا اگر وفاقی و صوبائی حکومتوں نے موجودہ قیمتوں کو کنٹرول کے اقدامات نہ کئے تو عید الفطر پر مرغی کا ڈبل ریٹ ہو جائے گا۔ ادھر بی ایف اے برائلر فارم ایسوسی ایشن نے عید پر مرغی مزید مہنگی کرنے کے پلان پر عمل درآمد شروع کر دیا، اس کے لئے مرغی کی پیداوار کم کر دی گئی، انڈے کی قیمتوں میں اضافے کے پلان پر بھی عملدرآمد کا آغاز کر دیا گیا۔