چیمپئنز ٹرافی میں کامیابی، بھارتی ٹیم کے لئے 58 کروڑ نقد انعام کا اعلان

بھارتی کرکٹ بورڈ (بی سی سی آئی)نے چیمپئنز ٹرافی 2025 میں کامیابی پر بھارتی ٹیم کیلئے نقدانعام کا اعلان کردیا۔

بھارتی بورڈ کے مطابق ٹیم کو 58 کروڑ بھارتی روپے بطور انعام کے طور پر دیئے جائینگے۔ بی سی سی آئی کی جانب سے اعلان کردہ انعامی رقم کو کھلاڑیوں، کوچنگ اور سپورٹ سٹاف کے علاوہ سلیکشن کمیٹی کے اراکین میں تقسیم کیا جائیگا۔

یہ بھی پڑھیں:جاپان کی ٹیم فیفا ورلڈ کپ 2026ء میں کوالیفائی کرنیوالی پہلی ٹیم بن گئی

انعامی رقم کے اعلان کے موقع پر بورڈکے صدر روجر بنی نے کہا کہ آئی سی سی ٹورنامنٹ جیتنا خاص لمحہ تھا، اس انعام کا مقصد کھلاڑیوں سمیت سپورٹ کی حوصلہ افزائی کرنا ہے تاکہ ا ن کی محنت کو تسلیم کیا جا سکے۔

یہ بھی پڑھیں:نیوزی لینڈ کیخلاف آج ہونیوالے تیسرے ٹی 20 میچ کیلیے ٹیم میں تبدیلیاں

واضح رہے کہ آئی سی سی چیمپئنز ٹرافی میں بھارتی ٹیم ناقابل شکست ر ہی تھی اور ٹائٹل اپنے نام کیا تھا، ابتدائی گروپ راؤنڈ میں بھارت نے بنگلہ دیش، پاکستان اور نیوزی لینڈ کو ہرایا ،سیمی فائنل میں آسٹریلیا کو شکست دی ، فائنل میں کیویز کو شکست سے دے کر ٹرافی تیسری باراپنے نام کی۔