پاکستان میں عید الاضحیٰ کب ہوگی؟ پیش گوئی سامنے آگئی

پاکستان سمیت دنیا بھر میں مسلمانوں نے عید الفطر مذہبی جوش و جذبے کے ساتھ منائی اب دو ماہ کے وقفے کے بعد لوگ عید الاضحیٰ منائیں گے۔

عید الاضحیٰ کو قربانی کا تہوار ہے جو ذی الحجہ کی 10ویں تاریخ کو منایا جاتا ہے اور لوگ سنت ابراہیمی کی پیروی کرتے ہوئے جانور ذبح کرتے ہیں۔

ماہرین نے رواں سال عید الاضحیٰ 7 جون 2025 بروز ہفتے کو ہونے کی پیش گوئی کی ہے، ان تاریخوں کے مطابق پاکستانی 7 جون ہفتے سے 9 جون پیر تک عید الاضحیٰ منائیں گے۔

یہ بھی پڑھیں : انسٹاگرام نے اہم فیچر ختم کرنے کا فیصلہ کرلیا

یاد رہے کہ یہ تاریخیں قمری حساب پر مبنی ہیں اور حتمی تاریخوں کا اعلان رویت ہلال کمیٹی کرے گی۔

ادھر متحدہ عرب امارات میں فلکیاتی پیش گوئیوں کے مطابق عید الاضحیٰ 6 جون بروز جمعہ کو ہونے کا امکان ہے ، ایمریٹس آسٹرونومی سوسائٹی نے تصدیق کی ہے کہ ذی الحجہ کے آغاز کا ہلال کا چاند 27 مئی کو نظر آنے کا امکان ہے جس سے 28 مئی کو اسلامی مہینے کا پہلا دن ہوگا۔