گاڑیاں سستی یا مہنگی؟ آٹو اسمبلرز کا صارفین کے لیے بڑے سرپرائز کا اعلان

پاکستان اور بھارت کے درمیان کشیدہ صورتحال کے باعث بڑھتی ہوئی غیر یقینی صورتحال کے درمیان آٹو اسمبلرز نے ڈیڑھ سال سے زیادہ عرصے سے ایکسچینج ریٹ میں استحکام اور شرح سود میں بڑے پیمانے پر کمی کی بدولت پیداواری لاگت میں کمی کے باعث گاڑیوں کی قیمتیں کم کرنے کے ساتھ ساتھ بڑھا کر صارفین کو حیران کردیا ہے۔

رپورٹ کے مطابق لکی موٹر کارپوریشن نے کیا اسپورٹیج ایل ایچ ای وی، ایل ایف ڈبلیو ڈی اور ایل الفا کی قیمتوں میں بالترتیب 12 لاکھ 85 ہزار روپے، 1 کروڑ 18 لاکھ 25 ہزار روپے اور 94 لاکھ 99 ہزار روپے سے 10 لاکھ 99 ہزار روپے، 19 لاکھ 99 ہزار روپے اور 84 لاکھ 99 ہزار روپے کی کمی کر دی ہے۔

کمپنی کے سرکلر میں کہا گیا ہے کہ نئی قیمتیں جو عارضی طور پر ایڈجسٹ کی گئی ہیں ان کا اطلاق یکم مئی سے ہوگا۔ اس کے برعکس پاک سوزوکی موٹر کمپنی لمیٹڈ (پی ایس ایم سی ایل) جس نے فروری میں مختلف ماڈلز کی قیمتوں میں ایک لاکھ 20 ہزار روپے تک کا اضافہ کیا تھا، نے متعدد ماڈلز کی قیمتوں میں مزید اضافہ کر دیا ہے۔

مثال کے طور پر کمپنی نے سوزوکی سوئفٹ جی ایل ایم ٹی ماڈل کی قیمتوں میں 43 لاکھ 36 ہزار روپے سے 44 لاکھ 16 ہزار روپے تک ردوبدل کیا گیا ہے جس کا اطلاق 26 اپریل سے 80 ہزار روپے سے ہوگا۔

سوزوکی کلٹس وی ایکس آر، وی ایکس ایل اور اے جی ایس ماڈلز کی قیمتوں میں بالترتیب 38 لاکھ 58 ہزار، 42 لاکھ 44 ہزار اور 45 لاکھ 46 ہزار روپے سے بڑھ کر بالترتیب 42 لاکھ 30 ہزار، 43 لاکھ 16 ہزار اور 46 لاکھ 18 ہزار روپے کا اضافہ کیا گیا ہے۔

دریں اثنا ٹریکٹر پارٹس بنانے والی معروف کمپنی بولان کاسٹنگ لمیٹڈ نے آرڈرز میں زبردست کمی کا حوالہ دیتے ہوئے 28 اپریل سے 9 مئی تک پیداواری سرگرمیاں عارضی طور پر روک دی ہیں۔