پہلگام فالس فلیگ کے بعد مودی سرکار کی ہٹ دھرمی، پاکستانی خاندان جبری ہجرت پر مجبور

 نااہل مودی حکومت کی انا نے معصوم خاندانوں کو ہجرت پر مجبور کر دیا، بھارت میں مقیم پاکستانی خاندانوں کو محض پاکستانی ہونے پر نکالا جانا ستم ظریفی کی انتہا ہے ۔

پندرہ سال سے مقیم جموں میں رہائش پذیر خاندان کو بھی  بھارت چھوڑنے کا حکم دیدیا گیا ، کشمیری خاتون نے مودی سرکار پر تنقید کرتے کہا کہ ہمیں بھارت سے نہیں، ہمارے گھروں سے بےدخل کیا جا رہا ہے ، دو معصوم بچوں کی تعلیم اور مستقبل برباد کر کے ملک چھوڑنے پر مجبور ہوں، پہلگام میں حملہ آور ہندو تھے نہ ہی مسلمان، صرف جاہل اور شدت پسند تھے۔

یہ بھی پڑھیں : پہلگام فالس فلیگ:  بھارت نے کسی جنگ کے بغیر ہی پاکستان سے شکست تسلیم کر لی

کشمیری شہری نے کہا کہ زمین تنگ ہو چکی ہے تو شوہر اور بچوں کو بھی ساتھ جانے کی اجازت دی جائے، پاکستان کی سرزمین ہمیں قبول کر لے گی۔

سیاسی ماہرین کاکہنا ہے کہ  مودی کا پاکستانی خاندانوں کو بھارت چھوڑنے پر مجبور کرنا غیر انسانی فعل ہے۔