پاکستانی موٹر سائیکل صارفین کے لیے خوشخبری! ایٹلس ہونڈا نے سال 2026 کے لیے سی جی 125 اور سی ڈی 70 کے نئے ماڈلز متعارف کرا دیے ہیں، جن میں جدید گرافکس، بہتر ڈیزائن اور معمولی ظاہری بہتری شامل کی گئی ہے جبکہ قیمتوں کا بھی باضابطہ اعلان کر دیا گیا ہے۔
ہونڈا CG 125 (2026) پاکستان میں 2 لاکھ 38 ہزار 900 روپے میں دستیاب ہے ، اگرچہ 2025 اور 2026 ماڈلز کے درمیان کوئی بڑی مکینیکل تبدیلی متعارف نہیں کرائی گئی، تاہم نئی گرافکس، بہتر فنش اور چند ظاہری بہتریوں نے موٹر سائیکل کو ایک تازہ اور جدید روپ دے دیا ہے۔
CG 125 بدستور اپنی مضبوط باڈی، قابلِ اعتماد انجن اور شاندار کارکردگی کے باعث پاکستانی سڑکوں پر راج کر رہی ہے اور طویل عرصے سے ملک کی سب سے مقبول موٹر سائیکلوں میں شامل ہے۔
Honda CG 125 (2026) اہم خصوصیات
ہونڈا CG 125 ماڈل 2026 میں یورو II معیار کے مطابق تیار کردہ 4-اسٹروک OHV ایئر کولڈ انجن نصب ہے جو اپنی مضبوطی، دیرپا کارکردگی اور کم خرچ استعمال کی وجہ سے پہچانا جاتا ہے۔
اس موٹر سائیکل کا بور اینڈ اسٹروک 56.5 × 49.5 ملی میٹر رکھا گیا ہے جو متوازن پاور اور بہتر فیول ایوریج فراہم کرتا ہے، موٹر سائیکل میں 4 اسپیڈ کانسٹنٹ میش گیئر باکس دیا گیا ہے جو ہموار اور مستحکم ڈرائیونگ کا تجربہ فراہم کرتا ہے، اس میں 9.2 لیٹر کا فیول ٹینک موجود ہے جس میں 2 لیٹر ریزرو شامل ہے، جو طویل سفر کے دوران اضافی سہولت فراہم کرتا ہے۔
CG 125 کے ڈائمینشنز 1912 × 735 × 1026 ملی میٹر ہیں جبکہ 132 ملی میٹر گراؤنڈ کلیئرنس اور 764 ملی میٹر سیٹ ہائٹ اسے عام قد کے افراد کے لیے نہایت موزوں بناتی ہے۔ 1204 ملی میٹر کا وہیل بیس موٹر سائیکل کو سڑک پر بہترین استحکام فراہم کرتا ہے۔
فرنٹ حصے پر 103 ملی میٹر ٹریول کے ساتھ ٹیلی اسکوپک فورک جبکہ پچھلے حصے پر 68 ملی میٹر ٹریول کے ساتھ سوئنگ آرم سسپنشن نصب ہے، جو ناہموار سڑکوں پر بھی آرام دہ سواری کو یقینی بناتا ہے، فرنٹ ٹائر 2.50–18 اور ریئر ٹائر 3.00–17 سائز کے ہیں جو بہتر گرفت اور کنٹرول فراہم کرتے ہیں۔
100 کلوگرام ڈرائی ویٹ موٹر سائیکل کو بہترین توازن اور استحکام دیتا ہے، جبکہ رولر چین اور کک اسٹارٹ سسٹم اس کی پائیداری اور بھروسے کو مزید مضبوط بناتے ہیں۔ مجموعی طور پر CG 125 ماڈل 2026 اپنی مضبوط فریم، شاندار کارکردگی، آسان مینٹیننس اور تقریباً 45 کلومیٹر فی لیٹر فیول ایوریج کے ساتھ پاکستان کی سب سے قابلِ اعتماد اور مقبول موٹر سائیکلوں میں شامل ہے۔
ڈیزائن میں نمایاں تبدیلی نہ ہونے کے باوجود اونچی پلین سیٹ اور پچھلے انڈیکیٹرز کی نئی پوزیشن نے موٹر سائیکل کو قدرے جدید تاثر دیا ہے۔ آسان مینٹیننس، کم خرچ اسپیئر پارٹس اور ملک بھر میں دستیابی CG 125 کو ایک دیرپا اور قابلِ اعتماد انتخاب بناتے ہیں۔
Honda CD 70 (2026)قیمت اور خصوصیات
ایٹلس ہونڈا نے CD 70 (2026) کی قیمت 159,900 روپے مقرر کی ہے ، یہ موٹر سائیکل بدستور اپنی اعلیٰ مائلیج، پائیداری اور سادہ ڈیزائن کی وجہ سے صارفین میں بے حد مقبول ہے۔
ایٹلس ہونڈا CD 70 ماڈل 2026 میں 4-اسٹروک OHC ایئر کولڈ انجن نصب کیا گیا ہے جو کم ایندھن میں زیادہ طاقت فراہم کرنے کے لیے ڈیزائن کیا گیا ہے۔ موٹر سائیکل 4 اسپیڈ کانسٹنٹ میش ٹرانسمیشن سے لیس ہے جس کے ذریعے ڈرائیونگ کو نہایت ہموار اور قابلِ اعتماد بنایا گیا ہے، جبکہ کک اسٹارٹ سسٹم اسے ہر موسم میں آسانی سے اسٹارٹ کرنے کی سہولت دیتا ہے۔
اس موٹر سائیکل میں 8.5 لیٹر کا فیول ٹینک دیا گیا ہے جس میں 1 لیٹر ریزرو شامل ہے، جو طویل سفر کے دوران اضافی سہولت فراہم کرتا ہے۔ تکنیکی لحاظ سے اس میں ملٹی پلیٹ ویٹ کلچ اور مضبوط بیک بون ٹائپ فریم شامل ہے جو موٹر سائیکل کو بہتر توازن اور استحکام فراہم کرتا ہے۔
فرنٹ ٹائر کا سائز 2.25-17 جبکہ ریئر ٹائر 2.50-17 رکھا گیا ہے، جو سڑک پر بہتر گرفت اور محفوظ ڈرائیونگ کو یقینی بناتا ہے۔ CD 70 ماڈل 2026 کو بلیو، ریڈ اور بلیک رنگوں میں متعارف کرایا گیا ہے تاکہ صارفین اپنی پسند کے مطابق انتخاب کر سکیں، اور مجموعی طور پر یہ ماڈل اسٹائل، قابلِ اعتماد کارکردگی اور کم خرچ استعمال کا بہترین امتزاج قرار دیا جا رہا ہے۔
CD 70 ماڈل 2026 کو اسٹائل، اعتماد، آسان ڈرائیونگ اور کم خرچ استعمال کا بہترین امتزاج قرار دیا جا رہا ہے، جو اسے عام صارف کیلئے ایک مثالی موٹر سائیکل بناتا ہے۔
قیمتوں میں اضافے کے باوجود CG 125 اور CD 70 آج بھی پاکستان کی سب سے زیادہ فروخت ہونے والی اور قابلِ اعتماد موٹر سائیکلیں ہیں، جو اپنی مضبوطی، پائیداری اور کم لاگت مینٹیننس کے باعث صارفین کی پہلی پسند بنی ہوئی ہیں۔
By 
