ٹی 20 ورلڈکپ میں پاکستان اپنا پہلا میچ کل نیدرلینڈز کے خلاف کھیلے گا۔ یہ میچ سری لنکا کے شہر کولمبو میں منعقد ہوگا۔
میچ پاکستانی وقت کے مطابق صبح 10 بج کر 30 منٹ پر شروع ہوگا۔
میچ سے قبل جیت کے امکانات کے حوالے سے بتایا گیا ہے کہ پاکستان کے جیتنے کا امکان 88 فیصد ہے، جبکہ نیدرلینڈز کے جیتنے کے امکانات صرف 12 فیصد ہیں۔
موسم کے حوالے سے پیشگوئی کے مطابق ہفتے کے روز کولمبو میں بادل چھائے رہیں گے اور میچ کے دوران ہلکی بھوندا بھاندی کا بھی امکان ظاہر کیا گیا ہے۔ تاہم بارش کے باعث میچ کے منسوخ ہونے کے امکانات بہت کم ہیں۔
ادھر میچ سے قبل دونوں ٹیموں کے اسکواڈز کی فہرست بھی سامنے آ گئی ہے۔ نیدرلینڈز کے اسکواڈ میں اسکاٹ ایڈورڈز، کولن ایکرمن، نوح کروئس، باس ڈی لیڈے، آریان ڈٹ، فریڈ کلاسن، کائل کلائن، مائیکل لیوٹ، زیک لیون کیشیٹ، میکس او ڈاؤڈ، ساقب ذوالفقار، لوگن وین بیک، ٹم وین ڈر گگٹن، رولوف وین ڈر مروے اور پال وین میکرین شامل ہیں۔
پاکستان کے اسکواڈ میں سلمان آغا، ابرار احمد، بابر اعظم، فہیم اشرف، فخر زمان، خواجہ نافع، محمد نواز، نسیم شاہ، صاحبزادہ فرحان، صائم ایوب، سلمان مرزا، شاداب خان، شاہین شاہ آفریدی، عثمان خان، اور عثمان طارق شامل ہیں۔
By 
