ملک کے مختلف شہروں میں زلزلہ،شدید جھٹکے محسوس کیے گئے

سندھ اور بلوچستان کے مختلف حصوں میں زلزلے کے جھٹکے محسوس کیے گئے ہیں، جس سے مقامی باشندوں میں خوف و ہراس پایا گیا۔ سندھ میں محراب پور، ہالانی، میہڑ اور دادو کے علاقوں کے ساتھ ہی گردونواح کے علاقوں میں زمین لرزنے کے اثرات دیکھے گئے۔

بلوچستان کے ضلع خضدار کے مشرقی علاقے زہری اور آس پاس کے علاقوں میں بھی زلزلے کے جھٹکے محسوس کیے گئے۔

سرکاری حکام کے مطابق زلزلے کی شدت 5.6 ریکٹر اسکیل پر ریکارڈ کی گئی اور اس کی گہرائی 13 کلو میٹر تھی۔ خوش قسمتی سے ابتدائی رپورٹس میں کسی جانی یا مالی نقصان کی اطلاع نہیں ملی۔

یہ بھی پڑھیں:سنہرے خواب لیکر یورپ جانیوالے تارکین کے خواب سمندر میں بہہ گئے ،کشتی حادثہ میں 375افراد جاں بحق

ماہرین زلزلے کے بعد محتاط رہنے اور محفوظ مقامات پر رہنے کی ہدایت کر رہے ہیں۔