حکومت نے سمارٹ لاک ڈاؤن سے متعلق نوٹیفکیشن جعلی قرار دے دیا

حکومتِ پاکستان نے سوشل میڈیا پر وائرل ہونے والے ایک مبینہ سرکاری نوٹیفکیشن کو جعلی قرار دیتے ہوئے عوام کو خبردار کیا ہے کہ وہ غیر مصدقہ معلومات شیئر کرنے سے گریز کریں۔

وزارتِ اطلاعات نے واضح کیا کہ وائرل نوٹیفکیشن، جس میں لاک ڈاؤن اور دیگر پابندیوں سے متعلق ہدایات درج تھیں، مستند نہیں اور اسے ’فیک‘ قرار دیا گیا ہے۔

فیک خبروں اور جھوٹی پوسٹس کو شیئر کرنے سے گریز کریں۔

ذمہ دار شہری بنیں، صرف مستند ذرائع پر اعتماد کریں۔

آپ کی ایک شیئر معاشرے میں غلط فہمی پھیلا سکتی ہے۔ #ThinkBeforeYouShare pic.twitter.com/4vGlwFsCXy

— Fact Checker MoIB (@FactCheckerMoIB) March 29, 2026

وزارتِ اطلاعات کے مطابق اس قسم کی جھوٹی خبریں معاشرے میں بے چینی اور غلط فہمیوں کو جنم دے سکتی ہیں، اس لیے شہریوں پر لازم ہے کہ وہ محتاط رہیں اور صرف مستند ذرائع سے حاصل کردہ معلومات پر اعتماد کریں۔

یہ بھی پڑھیں :ملک بھر میں اسمارٹ لاک ڈاؤن، حکومت کا بڑا فیصلہ متوقع

حکام نے مزید کہا کہ فیک خبروں اور جھوٹی پوسٹس کو شیئر کرنا عوام میں غلط تاثر پیدا کرنے کا سبب بن سکتا ہے، لہٰذا ہر فرد کو ذمہ داری کا مظاہرہ کرنا چاہیے۔

حکام کے مطابق حکومت عوام کو ہر ممکنہ صورت میں بروقت اور مستند معلومات فراہم کر رہی ہے، اور شہریوں کو چاہیے کہ وہ سرکاری ویب سائٹس اور سرکاری ذرائع سے حاصل کردہ معلومات پر ہی انحصار کریں۔