بھارت کا مقابلہ کرنے کیلئے ہمیں ہر گھر میں ہر کسی کو ٹریننگ دینا ہوگی،بنگلہ دیشی لڑکی کا پیغام

بنگلا دیشی نوجوان رہنما عثمان ہادی کی قربانی نے خطے میں نوجوانوں اور سیاسی کارکنوں کے لیے ایک انقلاب کا پیغام دیا ہے، ایک بنگلا دیشی لڑکی نے کہا کہ ہمیں بھارت کا مقابلہ کرنے کے لیے ہر گھر میں ہر شہری کو تربیت دینی ہوگی۔ انکا کہنا تھا کہ یہ صرف ایک انتخابی یا سیاسی جدوجہد نہیں بلکہ ایک قومی اور خطے کی حفاظت کی ضرورت ہے۔

لڑکی نے مزید کہا کہ میں  نے مختلف سیاسی رہنماؤں کو دیکھا ہے لیکن عثمان ہادی ایک منفرد اور انقلابی شخصیت تھے۔ ان کے خواب اور نظریات آج بھی نوجوانوں میں زندگی پھیلا رہے ہیں۔ لڑکی کا کہنا تھا کہ  ہادی نے نہ صرف عوامی حقوق کے لیے آواز بلند کی بلکہ نوجوانوں کو سیاسی اور سماجی شعور کی جانب بھی متوجہ کیا۔

یہ بھی پڑھیں :بنگلہ دیش: شاہ باغ میں عثمان ہادی کی شہادت پر شدید احتجاج جاری، مودی مخالف نعروں سے فضا کشیدہ

 لڑکی کا مزید کہنا تھا کہ عثمان ہادی کے انقلاب کو مکمل کرنے کی ذمہ داری ہم سب پر ہے۔ نوجوانوں کو سیاسی تربیت، سماجی شعور اور قومی یکجہتی کے اصولوں کے مطابق آگاہ کرنا ہوگا تاکہ بھارت اور دیگر بیرونی عناصر کی مداخلت کا مؤثر مقابلہ کیا جا سکے۔

  عثمان ہادی کی قربانی اور ان کے نظریات آج بھی جنوبی ایشیا میں نوجوانوں کے لیے تحریک اور رہنمائی کا ذریعہ ہیں۔ ان کے خیالات نوجوانوں کو جمہوری اقدار، انصاف  اور عوامی حقوق کے تحفظ کی سمت میں فعال کردار ادا کرنے کی ترغیب دیتے ہیں۔

اس پیغام سے یہ واضح ہوتا ہے کہ عثمان ہادی کا مشن بنگلہ دیشی نوجوانوں اور ان کی سیاسی شعور کی بیداری تک پہنچ چکا ہے۔ ان کے خواب کو عملی جامہ پہنانا آج بھی بنگلہ دیشی نوجوانوں کی سب سے بڑی ذمہ داری ہے۔