آسامیاں ہی آسامیاں ، سرکاری ملازمت کے خواہشمند افراد کے لیے خوشخبری

محکمہ داخلہ پنجاب نے میڈیا تھنک ٹینک فار ریزیلینس اینڈ کاؤنٹر نیریٹو انیشی ایٹو (MTRNI) کے تحت مختلف آسامیوں پر بھرتی کے لیے درخواستیں طلب کر لی ہیں۔

 ان آسامیوں میں ڈائریکٹر میڈیا اینڈ کمیونیکیشن، ڈیٹا اینالسٹ، میڈیا سیل سپروائزر، ویڈیو ایڈیٹر / اینیمیٹر، گرافک ڈیزائنر، کانٹینٹ رائٹرز (انگریزی و اردو)، ایس ایم او ایکسپرٹ، کیمرہ مین / فوٹوگرافر اور میڈیا مانیٹرنگ اسسٹنٹس شامل ہیں۔

محکمہ داخلہ کے مطابق اہل، باصلاحیت اور تجربہ کار امیدواروں کو مارکیٹ کے مطابق پرکشش معاوضہ فراہم کیا جائے گا، بھرتی کا مقصد صوبے میں میڈیا اور کاؤنٹر نیریٹو حکمتِ عملیوں کو مؤثر بنانے کے لیے قابل افرادی قوت کو شامل کرنا ہے۔

خواہشمند امیدوار اپنی درخواستیں پنجاب جاب پورٹل (www.jobs.punjab.gov.pk) کے ذریعے آن لائن جمع کروا سکتے ہیں۔

یہ بھی پڑھیں: نادرا میں بڑے عہدوں پر ملازمت حاصل کرنے کے خواہشمند افراد کیلئے خوشخبری

آن لائن درخواست جمع کروانے کے بعد امیدواروں کو اپنی پرنٹ شدہ درخواست کے ساتھ سی وی (CV)، تصدیق شدہ شناختی کارڈ (CNIC)، ڈومیسائل، تعلیمی اسناد، تجربہ سرٹیفکیٹس، تعریفی اسناد (Testimonials) اور دو عدد حالیہ پاسپورٹ سائز تصاویر بذریعہ رجسٹرڈ کوریئر 5 جنوری 2026 تک سیکشن آفیسر (جنرل)، محکمہ داخلہ، پنجاب سول سیکرٹریٹ، لوئر مال، لاہور جمع کرانی ہوں گی۔

مزید معلومات یا وضاحت کے لیے امیدوار محکمہ داخلہ پنجاب کے فون نمبر 042-99211654 پر رابطہ کر سکتے ہیں۔

خواہشمند امیدواروں کو مشورہ دیا گیا ہے کہ وہ درخواستیں جلد جمع کروائیں تاکہ مقررہ آخری تاریخ 5 جنوری 2026 سے قبل اپنے تمام دستاویزات مکمل کر کے ارسال کر سکیں۔

یہ بھی پڑھیں: سرکاری ملازمین کے لیئے دوہری شہریت اور ملازمت میں ایک کا انتخاب لازمی قرار

اس اقدام سے نہ صرف صوبے میں میڈیا اور کمیونیکیشن کے شعبے کو مضبوط بنایا جائے گا بلکہ نوجوان پیشہ ور افراد کو اپنے کیریئر میں ترقی کے مواقع بھی میسر آئیں گے،  مزید معلومات کے لیے امیدوار محکمہ داخلہ پنجاب سے رابطہ کر سکتے ہیں۔