امریکاکا نائجیریا میں داعش کے دہشتگردوں کیخلاف طاقتور حملہ

امریکا نےشمال مغربی نائجیریا میں داعش کےدہشتگردوں کے خلاف طاقتور اور مہلک حملہ کردیا۔

امریکی صدر ڈونلڈ ٹرمپ سوشل میڈیا پر جاری پیغام میں بتایا کہ محکمہ جنگ نے انتہائی درست اور کامیاب حملے کیے، ان کا کہنا تھا کہ د اعش اس علاقے میں مسیحیوں کو ایسے بے رحمی سے قتل کر رہی تھی جو صدیوں میں نہیں دیکھا گیا۔

ٹرمپ نے سوشل میڈیا پر جاری پیغام میں خبردار کیا کہ اگر تشدد نہ رکا تو سخت نتائج ہوں گے۔ یہ کارروائی ایسے وقت میں سامنے آئی ہے جب ٹرمپ نے چند ہفتے قبل نائجیریا میں مسیحیوں کے خلاف تشدد کے الزامات کے تناظر میں ممکنہ فوجی اقدامات کی منصوبہ بندی کی ہدایت دی تھی۔

امریکی محکمہ خارجہ نے حال ہی میں مسیحیوں کے خلاف تشدد میں ملوث نائجیرین افراد اور ان کے اہل خانہ پر ویزا پابندیوں کا بھی اعلان کیا ہے۔

مزید پڑھیں: امریکہ نےسمگلنگ میں ملوث بھارتی کاروباری شخصیات کے ویزے منسوخ کردئیے

دوسری جانب نائجیریا کی حکومت کا کہنا ہے کہ مسلح گروہ ملک میں مسلم اور مسیحی دونوں برادریوں کو نشانہ بناتے ہیں۔