9  مئی جلاؤ گھیراؤ کیسز کا تفصیلی فیصلہ جاری، محمود الرشید کو 33 سال قیدکی سزا

9 مئی مقدمات کا تفصیلی فیصلہ جاری کرتے ہوئے  انسداد دہشت گردی عدالت نے پی ٹی آئی رہنما محمود الرشید کو 33 سال قید کی سزا سنادی۔

 عدالت  نے 9 مئی کو گلبرگ کے علاقے میں جلاؤ گھیراؤ اور گاڑیاں نذرِ آتش کرنے کے دو مقدمات کا تفصیلی تحریری فیصلہ جاری کر دیا۔

عدالت نے 9 مئی کے دو مقدمات میں جرم ثابت نہ ہونے پر 23 ملزمان کو بری کرنے کا حکم بھی جاری کیا، جبکہ پی ٹی آئی رہنماؤں سمیت 7 ملزمان کو جرم ثابت ہونے پر قید کی سزا سنائی گئی۔

عدالت نے میاں محمود الرشید کو مجموعی طور پر 33 سال قید اور چھ لاکھ روپے جرمانے کی سزا سنائی جبکہ ڈاکٹر یاسمین راشد ،عمر سرفراز چیمہ اور اعجاز چوہدری کو دس دس سال قید کی سزا سنائی، میاں محمود الرشید کو الگ الگ سکیشنز میں سزائیں سنائی گئیں۔

یہ بھی پڑھیں: عدالت سے سزائیں : تحریک انصاف کے تین اہم ترین رہنما نااہل قرار

تحریری فیصلے میں کہا گیا کہ ڈاکٹر یاسمین راشد ،اعجاز چوہدری اور عمر سرفراز چیمہ دونوں سازش کی میٹینگ میں موجود ہونا ثابت ہوتا ہے، عدالت نے رہنماؤں سمیت سات ملزمان کو جرم ثابت ہونے پر قید کی سزا سنائی۔

فیصلہ دیا گیا کہ پراسکیوشن کے مطابق ڈاکٹر یاسمین راشد سمیت چار رہنماؤں نے ملک میں جلاؤ گھیراؤ کے لیے عوام میں انتشار پھیلایا، پراسکیوشن نے مختلف واٹس ایپ امیسجز اور 70 سوشل میڈیا اکاؤنٹس کی تفصیلات فراہم کیں، ملزمان کے خلاف فرانزک رپورٹس بھی کمرہ عدالت میں پیش کی گئیں۔

فیصلے کے مطابق جے آئی ٹی کی تفتیشی ٹیم نے ملزمان کو قصور وار قرار دیا، ملزمان نے جے آئی ٹی کی رپورٹ کو کسی فورم پر چیلنج بھی نہیں کیا، ملزمان نے اپنے حتمی بیانات میں خود کو معصوم قرار دیا تاہم پراسکیوشن اپنا کیس ثابت میں کامیاب رہی۔