طاقتور شمسی طوفان زمین سے ٹکرا گیا

طاقتور شمسی طوفان زمین کی فضا ٹکراگیا جس کی وجہ سے سیٹلائٹس اور پاور گرڈز میں خلل پڑا ہے۔

غیر ملکی میڈیا رپورٹس کے مطابق گزشتہ روزپاکستانی وقت کے مطابق صبح 9 بجے سورج سے نکلنے والے مواد کے بادل زمین سے ٹکرا گئے،طوفان کے اثرات ہفتے کے آخر تک جاری رہنے کا امکان ہے۔ طوفان 21 سال کی بلند ترین سطح جی فائیو تک پہنچ گیا ہے جو جی پی ایس، خلائی جہاز، سیٹلائٹ اور دیگر ٹیکنالوجیز کو متاثر کر سکتا ہے۔ یہ طوفان 2003 کے بعد سے اب تک کا سب سے طاقتور طوفان ہے اور اس نے تسمانیہ سے لے کر برطانیہ تک آسمان میں جامنی اور سبز روشنی بکھیر دی تھی ۔ جس کانظارہ برطانیہ میں ڈربی شائر، ایسکس، برکشائر اور کینٹ سمیت مختلف مقامات پر کیا گیا ۔

یہ بھی پڑھیں: گرینڈڈائیلاگ کیلئے عمران خان کی پر رہائی کےسوا کوئی آپشن نہیں، رانا ثنا اللہ

نیشنل اوشیانک اینڈ ایٹموسفیئر ایڈمنسٹریشن (این او اے اے) نے خبردار کیا ہے کہ طوفان بجلی کی بندش اور مواصلاتی خلل کا سبب بن سکتا ہے۔
واضح رہے کہ 2003 میں بھی اسی طرح کے شمسی طوفان نے سویڈن میں بلیک آؤٹ کیا تھا اور جنوبی افریقہ میں پاور گرڈ کو نقصان پہنچایا تھا۔

شمسی طوفان کے زمین سے ٹکرانے کے کیا نقصانات ہو سکتے ہیں؟

1 پاور گرڈز: پاور گرڈز میں خلل ممکن ہے، جس میں ہائی وولٹیج ٹرانسمیشن لائنیں سب سے زیادہ کمزور ہیں۔

2. مواصلاتی خدمات: مواصلاتی نظام جیسے جی پی ایس، ہائی فریکوئنسی ریڈیو سگنل، اور سیٹلائٹ مواصلات میں خلل پڑ سکتا ہے۔

سیٹلائٹ: سیٹلائٹ متاثر ہوسکتے ہیں ، ممکنہ طور پر زمین پر نیویگیشن اور مواصلاتی نظام میں خلل ڈال سکتے ہیں۔

خلائی جہاز: خلائی جہاز کو تابکاری کی زیادہ مقدار سے خطرہ ہوتا ہے ، اور نقصان سے بچنے کے لئے حساس آلات کو بند کرنے کی ضرورت پڑ سکتی ہے۔

5: ہائی فریکوئنسی مواصلات: ہائی فریکوئنسی مواصلات ، جیسے ریڈیو سگنلز میں خلل پڑ سکتا ہے۔

6: جی پی ایس: جی پی ایس نظام میں خلل ممکن ہے ، جی پی ایس سیٹلائٹس اور گراؤنڈ ریسیورز کے مابین سگنل ممکنہ طور پر ٹوٹ جاتے ہیں یا گم ہوجاتے ہیں۔