By محکمہ سکولز ایجوکیشن پنجاب نے واضح کیا ہے کہ صوبے بھر کے سکولز یکم فروری سے 10 فروری تک معمول کے مطابق کھلے رہیں گے اور بسنت تہوار کے سلسلے میں یکم فروری سے 10 فروری 2026 تک صوبے بھر کے تمام سرکاری اور نجی سکولوں کو بند رکھنے سے متعلق نوٹیفکیشن کو جعلی قرار دیا ہے۔
تفصیلات کے مطابق سوشل میڈیا پر وائرل نوٹس میں مبینہ طور پر کہا گیا ہے کہ اسکول “بسنت کی وجہ سے” دس دن کے لیے بند رہیں گے اور پتنگ بازی کی سرگرمیوں کو آسان بنانے کے لیے اسکولوں کی چھتوں کو لیز پر دینے یا نیلام کرنے کی اجازت دیتا ہے۔
اس حوالے سے محکمہ سکولز ایجوکیشن پنجاب نے ڈسٹرکٹ ایجوکیشن اتھارٹیز کے چیف ایگزیکٹو آفیسرز، اسکول کے سربراہوں اور دیگر عہدیداروں کو اس حوالے سے واضح ہدایات جاری کی ہیں ۔
وزیر تعلیم رانا سکندر حیات، جو اپنے سوشل میڈیا اکاؤنٹس پر سکولوں کے شیڈول اور تعطیلات کے بارے میں باضابطہ اپ ڈیٹس پوسٹ کرتے ہیں، انہوں نے کہا کہ بسنت سے متعلق سکولوں کی بندش کے حوالے سے کوئی بیان یا نوٹیفکیشن جاری نہیں کیا گیا ہے۔
مزید جانیئے: شبِ برأت پر عام تعطیل کا اعلان
