کھیل کے میدان میں پاکستان اور بھارت ایک بار پھر ٹکراؤ کیلئے تیار

 ساف انڈر 20 فٹبال چیمپین شپ میں پاکستان اور بھارت کا ٹکراؤ ہوگا، دونوں روایتی حریف 26 مارچ کو مالدیب کے نیشنل فٹبال اسٹیڈیم میں مد مقابل آئیں گے۔

 تفصیلات کے مطابق سیاسی گرما گرمی کے باعث کھیل کے میدان میں سرد مہری کا شکار پاکستان اور بھارت  کی ٹیمیں ایک بار پھر مدمقابل آرہی ہیں ،23 مارچ سے4 اپریل تک مالدیپ کی میزبانی میں کھیلے جانے والی ساف انڈر 20 فٹ بال چیمپین شپ میں 7 ممالک کی ٹیمیں شرکت کر رہی ہیں۔

یہ بھی پڑھیں : ورلڈ کپ کوالیفائرز میں سب سے زیادہ گولز، رونالڈو نے تاریخ رقم کر دی

گروپ اے میں  4 ٹیمیں میزبان مالدیپ، نیپال، بھوٹان اور سری لنکا شامل ہیں جبکہ گروپ بی  3 ٹیموں دفاعی چیمپین بھارت، پاکستان اور بنگلا دیش پر مشتمل ہوگا۔

ٹورنامنٹ میں پاکستان اپنا پہلا گروپ  میچ 24 مارچ کو بنگلا دیش کے خلاف کھیلے گا جبکہ دوسرے میچ میں اس کا سامنا روایتی حریف بھارت سے ہوگا۔

یہ بھی پڑھیں : بابر اعظم کا نیا کارنامہ ، ایک اور تاریخی سنگِ میل عبور کر لیا

دونوں گروپ کی ٹاپ دو ٹیمیں  یکم اپریل کو کھیلے جانے والےسیمی فائنل  مقابلوں میں شرکت کی حقدار ہوں گی، اس ٹورنامنٹ کا فائنل3  اپریل 2026 کو کھیلا جائے گا،اس طرح ٹورنامنٹ میں پاکستان اور بھارت کے 3مرتبہ ٹکرانے کا امکان ہے۔