عالمی مارکیٹ میں سونے کی قیمتوں گر گئیں،بڑی کمی ریکارڈ

عالمی سطح پر سونے کی قیمتوں میں آج نمایاں کمی دیکھنے میں آئی ہے، جس کے اثرات مقامی صرافہ مارکیٹوں پر بھی پڑنے کا امکان ہے۔ ماہرین کے مطابق عالمی مارکیٹ میں قیمتوں میں کمی کی بڑی وجہ کم تجارتی حجم ہے، کیونکہ پیر کو امریکی اور چین کی مارکیٹیں مقامی تعطیلات کے باعث بند رہیں۔

رپورٹس کے مطابق عالمی مارکیٹ میں سونے کی فی اونس قیمت 1.1 فیصد کمی کے بعد 4,988.04 ڈالر پر آگئی ہے، جب کہ اپریل کے لیے امریکی سونے کے سودے 0.8 فیصد کمی کے ساتھ 5,006.60 ڈالر فی اونس پر طے پائے۔

یہ بھی پڑھیں:سونے کی قیمت گر گئی، گولڈ مارکیٹ سے بڑی خبر,فی تولہ کتنے کا ہو گیا؟

ماہرین کا کہنا ہے کہ گزشتہ ہفتے ملک میں سونے کی قیمتوں میں اضافہ دیکھا گیا تھا، تاہم عالمی سطح پر سونے کی قیمتوں میں کمی کے سبب آج مقامی مارکیٹ میں بھی سونے کی قیمتوں میں ممکنہ کمی متوقع ہے۔ تاجروں کا کہنا ہے کہ عوام خریداری میں محتاط رہیں اور قیمتی دھات کے سودوں میں عالمی مارکیٹ کے رجحانات کو مدنظر رکھیں۔

صرافہ مارکیٹوں کے مطابق مقامی سطح پر بھی سونے کے زیورات اور سرمایہ کاری کے سونے کی قیمتیں عالمی مارکیٹ کے اثرات کے تحت دن کے دوران رد و بدل کا شکار ہو سکتی ہیں۔