نواز شریف فیملی کیلئے خوشی کی بڑی خبر،جاتی امراء میں مٹھایاں تقسیم

شریف خاندان میں خوشیوں کا سماں ہے کیونکہ زید حسین نواز کے ہاں بیٹے کی پیدائش ہوئی ہے، جس پر خاندان کے افراد میں جشن کا ماحول ہے اور جاتی امراء میں مبارکبادوں کا سلسلہ جاری ہے۔

ذرائع کے مطابق زید حسین نواز فی الحال لندن میں اپنی فیملی کے ہمراہ عارضی طور پر مقیم ہیں، تاہم اس خوشخبری نے خاندان اور قریبی دوستوں میں خوشی کی لہر دوڑا دی ہے۔

وزیراعلیٰ پنجاب مریم نواز نے بھی زید حسین نواز کو بیٹے کی پیدائش پر مبارکباد دی اور نیک تمناؤں کا اظہار کیا۔ انہوں نے کہا کہ یہ خوشی کا لمحہ خاندان کے لیے باعثِ مسرت ہے اور دعا ہے کہ بچے کی زندگی خوشیوں اور کامیابیوں سے بھرپور ہو۔

یہ بھی پڑھیں:مریم نواز کی پالک، ٹنڈے اور کھیرے خریدے والے شہری سے دلچسپ گفتگو ،ویڈیو وائرل ہوگئی

اس خوشی کے ساتھ سابق وزیراعظم میاں محمد نواز شریف پردادا بن گئے ہیں۔ ذرائع کے مطابق زید حسین نواز کے اس بیٹے کی پیدائش سے شریف خاندان کے بزرگ اور رشتہ دار بھی خوشی سے بھر گئے ہیں اور ہر طرف مبارکبادوں کا سلسلہ جاری ہے۔

خاندان کے ذرائع نے بتایا کہ بچے اور والدہ دونوں کی صحت اچھی ہے اور شریف خاندان اس نئے رکن کے ساتھ وقت گزارنے میں مصروف ہے۔ اس موقع پر دوستوں اور قریبی حلقوں نے بھی زید حسین نواز اور خاندان کے لیے نیک خواہشات کا اظہار کیا ہے، جبکہ سوشل میڈیا پر بھی اہل خانہ اور پیروکار اس خوشی میں شامل ہیں۔