مہنگائی سے پریشان عوام کے لیے بری خبر، بجلی کی قیمتوں میں مزید اضافہ

نیپرا نے سہ ماہی ایڈجسٹمنٹ کے تحت بجلی کی قیمتوں میں 35 پیسے فی یونٹ اضافہ کرنے کا فیصلہ جاری کر دیا ہے۔

اس فیصلے کے مطابق، اکتوبر سے دسمبر 2025 تک کی سہ ماہی ایڈجسٹمنٹ میں بجلی کی قیمتوں میں یہ اضافہ کیا گیا ہے۔

نیپرا کے مطابق، یہ اضافہ مارچ 2026 سے مئی 2026 کے تین ماہ کے لیے نافذ ہوگا، اور اس سے بجلی صارفین پر 8 ارب 67 کروڑ 40 لاکھ روپے کا اضافی بوجھ پڑے گا۔

نیپرا نے اس فیصلے کو وفاقی حکومت کے حوالے کر دیا ہے تاکہ اس پر عمل درآمد کیا جا سکے۔

یہ بھی پڑھیں: رمضان المبارک سے پہلے مہنگائی کا طوفان ، گھی اور آٹا کتنا مہنگا ہوا؟ جانئے

یاد رہے کہ رواں مالی سال کی پہلی سہ ماہی ایڈجسٹمنٹ میں بھی بجلی کی قیمتوں میں اضافہ کیا گیا تھا۔ جولائی تا ستمبر 2025 کی سہ ماہی میں بجلی 33 پیسے فی یونٹ مہنگی کی گئی تھی، جس کا اطلاق دسمبر 2025 سے فروری 2026 تک تھا۔

اس طرح، یہ مسلسل اضافہ بجلی صارفین کے لیے ایک اور مالی بوجھ بن گیا ہے۔