ملا ہیبت اللہ کی ہلاکت کی تمام خبریں بے بنیاد ہیں

افغان طالبان کے سربراہ ملا ہیبت اللہ اخوندزادہ کی مبینہ ہلاکت سے متعلق سوشل میڈیا پر گردش کرنے والی خبروں کو غلط اور من گھڑت قرار دے دیا گیا ہے  “آزاد فیکٹ چیک” نے اپنی تحقیق میں واضح کیا ہے کہ سوشل میڈیا پلیٹ فارم ایکس پر پھیلائی جانے والی یہ معلومات گمراہ کن اور بے بنیاد ہیں۔

  سوشل میڈیا پر بعض اکاؤنٹس کی جانب سے یہ دعویٰ کیا جا رہا تھا کہ افغان طالبان کے سربراہ ملا ہیبت اللہ اخوندزادہ پاکستان کے حملوں میں ہلاک ہو گئے ہیں۔ تاہم آزاد فیکٹ چیک نے اس دعوے کی تحقیقات کے بعد اسے مکمل طور پر غلط قرار دیا ہے۔ ادارے نے کہا ہے کہ یہ خبر دراصل جھوٹی اور گھڑی ہوئی معلومات پر مبنی ہے جس کا حقیقت سے کوئی تعلق نہیں۔

یہ بھی پڑھیں :افغانستان کے صوبہ تخار میں این آر ایف کے حملے میں بدخشاں کے پولیس چیف مولوی معراج الدین ہلاک

آزاد فیکٹ چیک کے مطابق ایکس پر گردش کرنے والے پیغامات اور پوسٹس میں دعویٰ کیا گیا تھا کہ پاکستانی حملوں کے نتیجے میں افغان طالبان کے سربراہ مارے گئے ہیں۔ تحقیق کے بعد یہ بات سامنے آئی کہ اس دعوے کی کوئی مصدقہ بنیاد موجود نہیں اور یہ محض غلط معلومات کے پھیلاؤ کی ایک مثال ہے۔

 ملا ہیبت اللہ اخوندزادہ نہ صرف زندہ ہیں بلکہ خیریت سے بھی ہیں۔ اس لیے ان کی ہلاکت سے متعلق پھیلائی جانے والی خبریں سراسر جھوٹ اور افواہوں پر مبنی ہیں۔ آزاد فیکٹ چیک کے مطابق اس طرح کی غلط معلومات سوشل میڈیا پر تیزی سے پھیل جاتی ہیں جس سے عوام میں غلط فہمیاں پیدا ہونے کا خدشہ رہتا ہے۔

آزاد فیکٹ چیک نے اپنی رپورٹ میں واضح کیا ہے کہ افغان طالبان کے سربراہ ملا ہیبت اللہ اخوندزادہ کی ہلاکت سے متعلق سوشل میڈیا پر پھیلنے والے تمام دعوے بے بنیاد اور من گھڑت ہیں اور حقیقت یہ ہے کہ وہ زندہ اور خیریت سے ہیں۔