برطانیہ کا آبنائے ہرمز کی ناکہ بندی میں امریکا کا ساتھ دینے سے انکار

برطانیہ نے واضح کر دیا ہے کہ وہ امریکی صدر ڈونلڈ ٹرمپ کی جانب سے آبنائے ہرمز کی ممکنہ ناکہ بندی میں شامل نہیں ہوگا۔ اس پیش رفت نے عالمی سطح پر نئی بحث کو جنم دیا ہے کیونکہ آبنائے ہرمز کو عالمی توانائی کی ترسیل کے لیے نہایت اہم گزرگاہ سمجھا جاتا ہے۔

برطانوی حکومت کے ترجمان نے اپنے بیان میں کہا کہ ان کا ملک آبنائے ہرمز میں آزاد جہاز رانی کے اصول کی مکمل حمایت جاری رکھے گا۔ ان کے مطابق اس گزرگاہ کا کھلا رہنا نہ صرف عالمی معیشت کے لیے ضروری ہے بلکہ اس سے اندرونِ ملک مہنگائی کے دباؤ کو کم رکھنے میں بھی مدد ملتی ہے۔ ترجمان نے زور دیا کہ کسی بھی قسم کی رکاوٹ یا ٹول کا نفاذ عالمی تجارت کے لیے نقصان دہ ثابت ہو سکتا ہے۔

 یہ بھی پڑھیں : برطانوی وزیراعظم سر کیئر اسٹارمر نے مسلم کمیونٹی سے متعلق بڑی بات کہہ دی

برطانوی حکومت کے مطابق وہ فرانس اور دیگر اتحادی ممالک کے ساتھ مل کر ایک وسیع اتحاد تشکیل دینے پر کام کر رہی ہے تاکہ بین الاقوامی پانیوں میں جہاز رانی کے تحفظ کو یقینی بنایا جا سکے۔ اس اقدام کا مقصد کشیدگی میں کمی اور عالمی تجارتی راستوں کو محفوظ بنانا ہے۔