خیبرپختونخوا میں ڈیجیٹل ڈرائیونگ لائسنس کا آغاز، شہریوں کے لیے نئی سہولت

خیبرپختونخوا حکومت نے شہریوں کو جدید سہولیات کی فراہمی کی جانب اہم قدم اٹھاتے ہوئے ڈرائیونگ  لائسنس کے اجرا کے لیے مکمل برقی نظام متعارف کرا دیا ہے، اس نئے نظام کے آغاز سے صوبے بھر میں لائسنس حاصل کرنے کا طر یقہ کار مزید آسان، شفاف اور تیز رفتار ہو جائے گا۔

وزیر اعلیٰ سہیل آفریدی نے اس جدید نظام کا باضابطہ افتتاح کرتے ہوئے کہا کہ یہ اقدام عوام کو جدید طرز کی سہولیات فراہم کرنے کی جانب ایک اہم پیش رفت ہے،ان کا کہنا تھا کہ اس نظام کے ذریعے اب ڈرائیونگ اجازت نامے کے اجرا کا پورا عمل جدید انداز میں انجام دیا جائے گا، جس سے شہریوں کو دفاتر کے غیر ضروری چکر لگانے سے نجات ملے گی۔

یہ بھی پڑھیں :ڈرائیونگ لائسنس فیس کی ادائیگی کے لیے کیش لیس سسٹم متعارف

انہوں نے کہا کہ حکومتی خدمات کو جدید خطوط پر استوار کرنا وقت کی ضرورت ہے، اور اسی مقصد کے تحت مختلف شعبوں میں برقی سہولیات متعارف کروائی جا رہی ہیں،ابتدائی مرحلے میں اس منصوبے کے تحت ہزاروں افراد کو سیکھنے کے اجازت نامے اور مستقل ڈرائیونگ اجازت نامے جاری کیے جا چکے ہیں، نظام میں جدید شناختی پہچان کی سہولت شامل کی گئی ہے، جس کے ذریعے درخواست گزار کی تصدیق مؤثر انداز میں کی جا سکے گی۔

اس کے علاوہ جدید تصدیقی نظام، فوری تصدیق کے لیے مخصوص شناختی نشان اور مرکزی معلوماتی ریکارڈ بھی مکمل طور پر فعال کر دیا گیا ہے، اس سے جعل سازی کی روک تھام اور معلومات کے محفوظ اندراج کو یقینی بنایا جا سکے گا۔