فیفا عالمی کپ 2026 کے ناک آؤٹ مرحلے میں ایک اور بڑا اپ سیٹ ،فٹبال کے شائقین کو حیران رہ گئے ۔ نیو جرسی میں کھیلے گئے پری کوارٹر فائنل مقابلے میں ناروے کی قومی فٹبال ٹیم نے شاندار کارکردگی دکھاتے ہوئے پانچ بار کی عالمی چیمپئن برازیل کی قومی فٹبال ٹیم کو ایک کے مقابلے میں دو گول سے شکست دے کر ٹورنامنٹ سے باہر کر دیا اور کوارٹر فائنل میں جگہ بنا لی۔
میچ کا آغاز دونوں ٹیموں نے محتاط انداز میں کیا اور ابتدائی مرحلے میں کوئی بھی ٹیم برتری حاصل نہ کر سکی۔ پہلے ہاف میں برازیل کی ٹیم نے گیند پر زیادہ کنٹرول رکھنے کی کوشش کی جبکہ ناروے کی ٹیم نے دفاعی حکمت عملی اپناتے ہوئے جوابی حملوں پر توجہ دی۔ دونوں ٹیمیں پہلے ہاف میں گول کرنے میں ناکام رہیں اور مقابلہ بغیر کسی گول کے برابر رہا۔
دوسرے ہاف میں کھیل زیادہ تیز اور جارحانہ ہو گیا۔ ناروے کی جانب سے عالمی شہرت یافتہ اسٹرائیکر ایرلنگ ہالینڈ نے بہترین کھیل پیش کیا اور انتالیسویں منٹ کے بعد نواسیویں منٹ میں پہلا گول اسکور کر کے اپنی ٹیم کو برتری دلا دی۔ اس گول کے بعد برازیل کی ٹیم نے مسلسل حملے کیے لیکن ناروے کی مضبوط دفاعی حکمت عملی کے سامنے انہیں کامیابی نہ مل سکی۔
میچ کے آخری لمحات میں ناروے نے ایک بار پھر شاندار حملہ کیا اور دوسرا گول کر کے اپنی برتری کو مزید مستحکم کر لیا۔ اس گول کے بعد برازیل کی واپسی کے امکانات تقریباً ختم ہو گئے۔
اضافی وقت میں برازیل کو ایک موقع ملا جب انہیں پنالٹی ملی جس پر برازیل کے معروف کھلاڑی نیمار جونیئر نے گیند کو جال میں پہنچا کر خسارہ کم کیا، تاہم یہ گول ٹیم کو شکست سے نہ بچا سکا۔ مقررہ وقت کے اختتام پر ناروے نے دو کے مقابلے میں ایک گول سے کامیابی حاصل کر لی۔
اس فتح کے ساتھ ناروے کی ٹیم نے پہلی مرتبہ عالمی کپ کے کوارٹر فائنل کے لیے کوالیفائی کیا ہے جو اس کی فٹبال تاریخ میں ایک اہم سنگ میل ہے۔ دوسری جانب برازیل کی ٹیم جو عالمی فٹبال کی سب سے کامیاب ٹیموں میں شمار ہوتی ہےاس ٹورنامنٹ سے باہر ہو گئی ہے۔
By 
