امریکا ایران تکنیکی مذاکرات آج ہو نگے،وزیر اعظم،فیلڈ مارشل شرکت کرینگے،دفتر خارجہ

اسلام آباد مفاہمتی یادداشت پر عملدرآمد سے متعلق اعلیٰ سطحی مذاکرات کے لیے وزیراعظم شہباز شریف اور چیف آف ڈیفنس فورسز فیلڈ مارشل سید عاصم منیر کے ہمراہ سوئٹزرلینڈ کے شہر برگن اسٹاک روانہ ہو گئے ہیں۔

دفتر خارجہ کے اعلامیے کے مطابق یہ اعلیٰ سطحی مذاکرات آج 21 جون 2026 کو منعقد ہو رہے ہیں جن میں ایران، قطر اور امریکا کے اعلیٰ سطحی وفود بھی شریک ہوں گے، یہ اجلاس 17 جون 2026 کو طے پانے والے اسلام آباد مفاہمتی یادداشت کے بعد پہلا باضابطہ سفارتی رابطہ قرار دیا جا رہا ہے۔

اعلامیے میں کہا گیا ہے کہ پاکستان ان مذاکرات کے ذریعے ایران اور امریکا کے درمیان طے پانے والے فہم و تفاهم پر عملدرآمد کے عمل کو آگے بڑھانے اور خطے میں پائیدار امن کے فروغ میں اپنا کردار جاری رکھے گا۔

یہ بھی پڑھیں :برطانوی ہاؤس آف لارڈز میں پاکستان کے ایران امریکہ تنازعہ میں ثالثی کردار کی تعریف

مذاکرات کے دوران وزیراعظم شہباز شریف شریک ممالک کے وفود سے دوطرفہ ملاقاتیں بھی کریں گے جن میں ایران، قطر، سوئٹزرلینڈ اور امریکا کے نمائندے شامل ہوں گے، ان ملاقاتوں کا مقصد باہمی تعلقات کو مضبوط بنانا اور خطے میں اعتماد سازی کو فروغ دینا ہے۔

اعلامیے کے مطابق پاکستان نے اس پورے سفارتی عمل میں ایک متوازن اور اصولی کردار ادا کیا ہے اور اس سے قبل بھی امریکا اور ایران کے درمیان رابطوں اور مذاکرات کے مختلف مراحل کی میزبانی کی ہے۔

مزید کہا گیا ہے کہ پاکستان کا یہ کردار خطے میں تنازعات کے حل کے لیے مذاکرات اور سفارت کاری کے فروغ کے عزم کی عکاسی کرتا ہے، جبکہ مقصد دیرپا امن اور استحکام کو یقینی بنانا ہے۔