By انگلینڈ نے پاکستان کو چوتھے ٹی 20میچ میں شکست دے کر سیریز 2-0سے اپنے نام کر لی۔
تفصیلات کے مطابق لندن کے اوول گراؤنڈ میں کھیلے گئے میچ میں انگلش ٹیم نے ٹاس جیت کر پہلے بولنگ کرنے کا فیصلہ کیا ۔ قومی ٹیم پہلے بیٹنگ کرتے ہوئے 19-5اوورز میں 157رنز پر ڈھیر ہو گئی ۔ گرین شرٹس کی طرف سے عثمان خان 38 ،کپتان بابراعظم 36، محمد رضوان 23 اور افتخار احمد نے 21 رنز بنائے ، نسیم شاہ نے 16 اور قومی فاسٹ بالر حارث رؤف نے 8 رنز بنائے، فخر زمان صرف 9 رنز کے مہمان ثابت ہوئے ، شاداب خان، اعظم خان اور شاہین شاہ آفریدی صفر پر وکٹیں گنوا بیٹھے۔ جوابی اننگ میں پاکستان کی جانب سے دیا گیا 158 رنز کا ہدف انگلینڈ نے 15.3 اوورز میں 7 وکٹوں کے نقصان پرحاصل کیا۔ انگلش ٹیم کی طرف سے فل سالٹ 45 ،جوز بٹلر 39 رنز کے ساتھ نمایاں سکورررہے۔ ول جیکس نے 20 ،جونی برسٹو نے 28 اور ہیری بروک نے 17 رنز بنا نےمیں کامیاب ہوئے ۔
پاکستان کی طرف سے تینوں وکٹیں حارث رؤف نے حاصل کیں۔ انگلینڈ کی طرف سے لیام لیونگسٹون، مارک ووڈ اور عادل رشید نے 2، 2 معین علی، جوفرا آرچر اور کرس جورڈن نے ایک، ایک وکٹ حاصل کی۔پاکستان کی اننگز کے دوران بارش کے باعث کچھ دیر کے لیے میچ روکا گیا تھا جو تقریباً 12 منٹ بعد دوبارہ شروع ہو ا، میچ روکے جانے سے قبل پاکستان نے 10.4 اوورز میں 5 وکٹوں کے نقصان پر 91 رنز بنا بنا رکھے تھے۔ یاد رہے کہ دونوں ٹیموں کے درمیان چار میچز پر مشتمل سیریز کے دو میچز بارش کے باعث منسوخ ہو گئے تھے، 22 مئی کو لیڈز میں سیریز کا پہلا میچ جب کہ 28 مئی کو کارڈف میں ہونے والا تیسرا ٹی ٹوئنٹی بارش کی نذر ہو گیا تھا ۔ 25 مئی کو دوسرے ٹی ٹوئنٹی میں انگلینڈ نے پاکستان کو 23 رنز سے شکست ہرا یا تھا۔
انگلینڈ اسکواڈ: فل سالٹ، جوس بٹلر (کپتان، وکٹ کیپر)ول جیکس، جونی بیرسٹو، ہیری بروک، معین علی، لیام لیونگسٹون، کرس جارڈن، جوفرا آرچر، عادل رشید، مارک ووڈ
پاکستان اسکواڈ: محمد رضوان، بابر اعظم (کپتان)،ثمان خان، فخر زمان، شاداب خان، اعظم خان (وکٹ کیپر)،افتخار احمد، شاہین آفریدی، حارث رؤف، محمد عامر، نسیم شاہ
