گرج چمک کیساتھ بارش یا سورج کی تپش؟محکمہ موسمیات نے بتادیا

ملک کے بیشتر علاقوں آزادکشمیر اور بالائی خیبرپختونخوا سمیت کچھ علاقوں میں تیز ہواؤں اور گرج چمک کے ساتھ بارش جبکہ مختلف مقامات پر میں شدید گرمی رہے گی ۔

محکمہ موسمیات نے وفاقی دارلحکومت اسلام آباد سمیت ملک کے بیشتر میدانی علاقو ں میں موسم گرم اور خشک رہنے کی پیش گوئی کی ہے،تاہم دیر، سوات، کوہستان، چترال اور بالاکوٹ میں گرج چمک کے ساتھ بارش کا امکان ظاہر ہے۔ محکمہ موسمیات کے مطابق کراچی سمیت سندھ کے بیشتر بالائی اضلاع میں گرمی کی شدت میں مزید اضافے کی توقع ہے،سندھ کے ساحلی علاقوں میں موسم گرم اور مرطوب رہے گا جبکہ سندھ کے وسطی اورجنو بی اضلاع میں تیز گرد آلود ہوائیں چلنے کا امکان ہے۔