By آئی سی سی ٹی20 ورلڈ کپ کے گروپ بی کے میچ میں عمان نے انگلینڈ کو جیت کے لیے 48 رنز کا ہدف د یدیا ہے ۔
تفصیلات کے مطابق دونوں ٹیموں کے درمیان میچ نارتھ ساؤنڈ میں سر ویوین رچرڈز اسٹیڈیم میں کھیلا جارہا ہے۔ میچ میں ا نگلش ٹیم نے عمان کے خلاف ٹاس جیت کر پہلے فیلڈنگ کا فیصلہ کیا۔ عمان کی ٹیم نے پہلے بلے بازی کرتے ہوئے 13 اعشاریہ 2 اوورز میں 47 رنز بنائے، عمانی ٹیم کے ٹاپ اسکورر شعیب خان 11 رنز بنا کر نمایاں رہے، ان کے علاوہ کوئی بھی کھلاڑی ڈبل فیگر میں تک نہ پہنچ سکا۔ انگلینڈ کی طرف سے عادل رشید نے 4 ،جوفرا آرچر اور مارک ووڈ نے 3، 3 کھلاڑیوں کو آؤٹ کیا ۔ دفاعی چیمپئن انگلینڈ نے ٹیم میں ایک تبدیلی کی ۔
مزید پڑھیں:محمد رضوان نے سست ترین نصف سنچری کا اعزاز اپنے نام کر لیا
کرس جارڈن کی جگہ ریس ٹوپلے کو ممکنہ پلیئنگ الیون میں شامل کیا۔ انگلش کپتان جوز بٹلر نے ٹاس کے موقع پر کہا کہ یہ واقعی ایک اچھی وکٹ لگ رہی ہے ۔ کوشش کریں گے عمان کی ٹیم کو زیادہ رنز نہ بنانے دئیے جائیں ۔ اس موقع پر عمان کے کپتان عاقب الیاس نے کہا کہ اگر ہم بھی ٹاس جیت جاتے تو پہلے فیلڈنگ کو ترجیح دیتے لیکن آپ ٹاس پر انحصار نہیں کر سکتے۔ یہ بہت اچھی وکٹ ہے، بیٹنگ کیلئے بہت اچھا فلیٹ ٹریک ہے۔واضح رہے کہ آئی سی سی ٹی ٹوئنٹی ورلڈ کپ 2024 میں یہ عمان کی ٹیم کا کم ترین اسکور ہے ۔
