By ویمنز ٹی ٹوئنٹی ایشیا کپ کی تاریخ میں پاکستان کرکٹ ٹیم نے تاریخ رقم کر دی، یو اے ای کو 10وکٹوں سے شکست دیدی ۔
تفصیلات کے مطابق منگل کو رنگیری دمبولا انٹرنیشنل اسٹیڈیم میں کھیلے گئے میچ میں پاکستا نی ٹیم نے ٹاس جیت کر یو اے ای کو بیٹنگ کی دعوت دی ، جس کے جواب میں یو اے ای نے مقررہ 20 اوورز میں 8 وکٹوں کے نقصان پر 103 رنز بنائے اور پاکستان کو جیت کے لیے 104 رنز کا ہدف دیا۔
ہدف کے تعاقب میں پاکستان کی اوپننگ جوڑی گل فیروزہ اور منیبہ علی نے شاندار کھیل پیش کیا اور صرف 14.1 اوورز میں ہی ہدف حاصل کر لیا۔ گل فیروزہ 62 رنز جبکہ منیبہ 37 رنز کیساتھ ناقابل شکست رہیں۔ پاکستان کی جانب سے سعدیہ اقبال، نشرہ سندھو اور طوبیٰ حسن نے 2،2 جبکہ کپتان ندا ڈار نے ایک وکٹ حاصل کر سکیں۔
یہ بھی پڑھیں:ون ڈے ڈیبیو پرشاندارعالمی ریکارڈ سکاٹش گیند باز کے نام
اس کے بعد پاکستان ویمنز ٹیم ایشیا کپ کی تاریخ میں 10 وکٹوں سے میچ جیتنے والی پہلی ٹیم بن گئی ہے جبکہ مجموعی طور پر پاکستان کی یہ دوسری 10 وکٹوں کی فتح ہے، اس سے قبل پاکستان نے 11 سال قبل آئرلینڈ کو 10 وکٹوں کی شکست سے دوچار کیا تھا۔
