پنجاب میں شدید بارشوں کے پیشِ نظر صوبے کے ہسپتالوں بارے رپورٹ طلب

پنجاب کے صوبائی وزیر تعمیرات و مواصلات ملک صہیب احمد بھرتھ نے متعلقہ افسران سے صوبے میں جاری شدید بارشوں کے پیشِ نظر ہسپتالوں کی دیکھ بھال بارے طلب کر لی ہیں۔

تفصیلات کے مطابق پنجاب بھر میں شدید بارشوں کے پیشِ نظر اور حفاظتی اقدامات کے حوالے سے ایکسین بلڈنگز لاہور سمیت پنجاب بھر کے ہسپتالوں کی چھتوں، سلینگ اور وارڈز کی دیکھ بھال کے حوالے سے رپورٹ طلب کر لی گئی ہے۔ ملک صہیب احمد برتھ نے کہا کہ ایکسین بلڈنگز اس وقت فیلڈ میں موجود ہیں اور بارش کے پانی کے جمع ہونے و نکاس اب کے متعلق مکمل رپورٹ مرتب کروا رہے ہیں۔ شاہراہوں پر بارش کے باعث پڑنے والے گڑھوں کی فلنگ کا عمل بھی جاری ہے۔
مقامی انتظامیہ کے ساتھ ملکر شاہراہوں سے نکاس اب کو یقینی بنایا جا رہا ہے۔ صوبائی وزیر ملک صہیب احمد برتھ نے کہا کہ محکمہ مواصلات اور تعمیرات کے افسران فیلڈ سے ہر گھنٹے بعد رپورٹ جمع کروائیں۔صوبائی وزیر تعمیرات و مواصلات ملک صہیب احمد بھرتھ فیلڈ افسران سے لمحہ بہ لمحہ رپورٹ لے رہے ہیں۔