By ایف بی آر نے استعمال شدہ اور سروس ایبل گاڑیوں کی نیلامی پر عائد 18 فیصد سیلز ٹیکس ختم کر دیا۔
تفصیلات کے مطابق فیڈرل بورڈ آف ریونیو کی جانب سے ایسی استعمال شدہ اور سروس ایبل گاڑیوں کی نیلامی پر سیلز ٹیکس ختم کر دیا گیا ہے جن پر لوکل یا امپورٹ مرحلے پر ٹیکس ادا کیا جاچکا ہو۔ ایف بی آر کی جانب سے وفاقی محتسب آفس کو استعمال شدہ گاڑیوں کی نیلامی پر ٹیکس سے متعلق تفصیلی رپورٹ جمع کروا دی گئی ہے جس میں بتایا گیا ہے کہ صرف ’اَن سروس ایبل‘یا متروک استعمال شدہ گاڑیوں کی نیلامی پر سیلز ٹیکس وصول کیا جائیگا۔ اس کے علاوہ بولی دہندگان کی جانب سے نیلامی میں شامل کی گئی گاڑیوں پر بھی ٹیکس لیا جائیگا۔
مزید پڑھیں: حکومت پنجاب نے گاڑیوں کیلئے نیا ٹوکن ٹیکس سٹرکچر متعارف کرادیا
دوسری جانب تفصیلات کے مطابق بجٹ 2024- 25 کے بعد گاڑیوں پر بھی ٹیکسز کی بھرمار ہوچکی ہے اور گاڑیوں کی قیمتوں میں بڑا اضافہ دیکھنے میں آرہا ہے۔ وفاقی حکومت کی جانب سے بجٹ میں مقامی سطح پر تیار کی جانیوالی گاڑیوں پر نیا ود ہولڈنگ ٹیکس عائد کیا گیا ہے۔ وزیرخزانہ نے بتایا کہ گاڑیوں پر ٹیکس اب ایکس فیکٹری قیمت پر عائد ہوگا جبکہ اس سے قبل ٹیکس انجن کی سی سی کے مطابق ہوا کرتا تھا۔ 850 سی سی تک گاڑی جس میں آلٹو وی ایکس آر بھی آتی پر قیمت کا 0.50 فیصد ٹیس عائد ہو گا جو کہ 12 ہزار 500 روپے ہے جبکہ اس سے قبل 10 ہزار روپے ٹیکس عائد تھا، 851 سی سی سے ایک ہزار سی سی گاڑیوں پر قیمت کا ایک فیصد ٹیکس لگے گا جو کہ 38 ہزار 580 روپے بنتا ہے جبکہ اس سے قبل یہ ٹیکس 20 ہزار روپے تھا ۔ 1001 ایک سی سی سے 1300 سی سی تک قیمت کا 1.50 فیصد ٹیکس عائد کیا گیا ہے جو کہ 56 ہزار 985 روپے بنتا ہے جبکہ ا سے قبل یہ ٹیکس 25 ہزار روپے تھا۔
1301 سی سی سے 1600 سی سی تک گاڑیوں پر قیمت کا 2 فیصد ٹیکس عائد ہو گا جو کہ 81 ہزار 585 روپے بنتا ہے جبکہ اس سے قبل یہ ٹیکس 50 ہزار روپے تھا، یعنی ہونڈا سٹی اب 31 ہزار روپے مزید مہنگی ہو جائے گی ۔ 1601 سی سی سے 1800 سی سی تک گاڑیوں پر قیمت کا 3 فیصد ٹیکس عائد ہو گا جو کہ 225،270 روپے بنتا ہے جبکہ اس سے قبل یہ ٹیکس ڈیڑھ لاکھ روپے تھا یعنی ٹیوٹا کی گرینڈی اب 75 ہزار روپے مزید مہنگی ملے گی ۔ اسی طرح 1801 سی سی سے 2 ہزار سی سی کا ٹیکس بڑھا کر 3 لاکھ 46 ہزار 500 روپے ، 2001 سی سی سے 2500 سی سی تک ٹیکس بڑھا کر 7 لاکھ 65 ہزارایک سو روپے ، 2501 سے 3 ہزار سی سی کا ٹیکس 9 لاکھ 56 ہزار 720 روپے اور 3 ہزار سے زائد سی سی گاڑی پر ٹیکس 11 لاکھ 39 ہزار 880 روپے کر دیا گیا ہے ۔ اسی فارمولے کے تحت ایم جی نے بھی گاڑیوں کی قیمتوں میں اضافہ کر دیا ہے ، ایم جی ایچ ایس ایسنس کی قیمت 80 لاکھ 99 ہزار روپے تھی جو کہ 2 فیصد ود ہولڈنگ ٹیکس لگنے کے بعد بڑھ کر 82 ہزار 60 ہزار 980 روپے پر پہنچ گئی ہے ۔
