By وزارت داخلہ نے کابینہ کو آگاہ کیا ہے کہ دوست ممالک کے تاجروں کے لئے شروع کیے گئے پروگرام کے تحت ہندوستان اور افغانستان کے شہری ویزا فری انٹری کے اہل نہیں ہوں گے۔
بزنس ریکارڈر کی ایک رپورٹ کے مطابق 24 جولائی 2024 کو کابینہ کو بتایا گیا کہ دیگر ممالک کے تاجروں اور سیاحوں کے لیے ویزا فری انٹری کے لیے وزیراعظم کے وژن کے مطابق وزارت داخلہ نے اہم اسٹیک ہولڈرز اور وزیراعظم آفس کی مشاورت سے مختلف ویزا اصلاحات کی تجاویز پر کام کیا ہے۔
یہ بھی پڑھیں: سوزوکی آلٹو 5 سالہ قسطوں پر کتنے کی ملے گی ؟ خریداروں کیلئے اہم خبر
وزیراعظم نے دوست ممالک کے تاجروں، سرمایہ کاروں اور سیاحوں کو راغب کرنے کے لیے ویزا نظام کو مزید نرم بنانے کی ہدایت کی تھی۔ وزارت نے نیپال اور مالدیپ کے ساتھ ویزا فری انٹری معاہدوں پر دستخط کرنے سمیت کئی اقدامات کیے ہیں۔ اس کے علاوہ ویزا آن ارائیول کی سہولت 108 بزنس ویزا لسٹ (بی وی ایل) اور 64 سیاحتی فہرست والے ممالک کے لیے دستیاب ہے۔ پاکستان آنے والے کاروباری مسافروں کو سفر سے 24 گھنٹے قبل صرف الیکٹرانک ٹریول پرمٹ فارم پر کرنا ہوگا جو اس کے اندر الیکٹرانک طور پر جاری کیا جائے گا۔
وزارت نے کہا کہ ویزے اب الیکٹرانک ٹریول اتھارٹی فارم کے ذریعے فراہم کیے جائیں گے، جس میں مطلوبہ فیلڈز کو 161 سے کم کرکے 30 کردیا گیا ہے، صرف بنیادی معلومات طلب کی گئی ہیں۔
