By بنگلا دیشی وزیراعظم شیخ حسینہ واجد نے کہا ہے کہ سڑکوں پر نکلنے والے طلبہ دہشت گردہیں ، سول نافرمانی کی تحریک شروع کر نیوالےطلبہ کو کچل دیا جائے ۔
تفصیلات کے مطابق بنگلا دیش میں طلبہ نے اپنے گرفتار ساتھیوں کی رہائی اور دیگر مطالبات کیلئے حکومت کو الٹی میٹم دیا تھا تاہم جب ان کے مطالبات پورے نہ ہوئے تو طلبہ نے گزشتہ روز ملک بھر میں سول نافرمانی کی تحریک شروع کرنے کا اعلان کرتے ہوئے وزیراعظم شیخ حسینہ واجد سے مستعفی ہونے کا مطالبہ کیا تھا ۔
سول نافرمانی کی تحریک کے سلسلے میں گزشتہ روز بنگلا دیش کے مختلف شہروں میں ہونے والے مظاہروں میں پولیس کے ساتھ جھڑپوں میں متعدد افراد جاں بحق اور کئی زخمی ہو گئے ہیں ، طلبہ کے احتجاج کی وجہ سے بنگلہ دیش کی حکومت نے پورے ملک میں انٹرنیٹ سروس بھی بند کر دی ہے جب کہ گزشتہ شام سے ایک بار پھر کرفیو نافذ کرنے کا اعلان کر دیا گیا ہے۔
یہ بھی پڑھیں:عوام کے ساتھ کھڑےہیں ، بنگلادیشی آرمی چیف کا بڑا اعلان
اس معاملے پر بنگلا دیش کی وزیراعظم شیخ حسینہ واجد نے اپنے بیان میں کہا ہے کہ سڑکوں پر احتجاج کرنے والے طا لب علم نہیں دہشت گرد ہیں جو ملک کو غیرمستحکم کرنے کے لیے نکلے ہیں، انہوں نے اپنے ہم وطنوں سے اپیل ہے کہ ان دہشت گردوں کو سختی سے کچل د یا جائے ۔ واضح رہے کہ بنگلادیش میں سول نا فرمانی کی تحریک میں اب تک 50 سے زائد افراد جاں بحق اور 200 سے زائد مظاہرین زخمی ہوچکے ہیں۔
