وفاقی حکومت کا ملک بھر میں عام تعطیل کا اعلان

وفاقی حکومت نے 14اگست کو ملک بھر میں عام تعطیل کا اعلان کر دیا۔

تفصیلات کے مطابق وفاقی حکومت کی جانب سے 14اگست کو پاکستان کے یومِ آزادی کے موقع پر ملک بھر میں عام تعطیل کا اعلان کیا گیا۔

14اگست بروز بدھ ملک بھر میں بینک اور تمام مالیاتی ادارے بھی بند رہیں گے۔ اسٹیٹ بینک آف پاکستان کی جانب سے اس حوالے سے اعلامیہ جاری کر دیا گیا ہے۔

اعلامیے میں کہا گیا ہے کہ بدھ 14اگست کو تمام بینک اور مالیاتی ادارے بند رہیں گے جبکہ ملک بھر کے تمام سرکاری دفاتر اور تعلیمی اداروں میں بھی تعطیل ہوگی۔