By پاکستان تحریک انصاف کی پارلیمانی پارٹی کا اجلاس آج منعقد ہوا جس میں پاکستان تحریکِ انصاف اور بالخصوص تحریکِ انصاف ارکانِ پارلیمنٹ کیساتھ پولیس رویہ کی شدید الفاظ میں مذمت کی گئی ہے۔
پاکستان تحریکِ انصاف پارلیمانی لیڈر زرتاج گل کی زیرصدارت پارلیمانی پارٹی کا اجلاس آج ہوا جس میں قائد حزب اختلاف عمر ایوب خان ، چیف وہیپ ملک عامر ڈوگر، شاندانہ گلزار جنید اکبر اور علی محمد خان خصوصی طور پر شریک ہوئے، اجلاس میں پاکستان تحریکِِ انصاف رکن قومی اسمبلی حاجی امتیاز کی گمشدگی پر اظہار تشویش کیا گیا اور ارکان اسمبلی کے ساتھ پولیس کے رویے کی شدید الفاظ میں مذمت کی گئی ۔ اجلاس میں تحریکِ انصاف کی جانب سے علامتی بھوک ہڑتال کیمپ کے ذریعے بانی چئیرمین عمران خان اور اسیران کی رہائی کے لیے بھر پور آواز اٹھانے کے اقدام کی تعریف کی گئی اور تحریکِ انصاف پارلیمانی پارٹی کی ارشد ندیم کو پیرس اولمپکس 2024 کے جیولن تھرو مقابلے میں گولڈ میڈل جیتنے پر مبارکباد دی گئ اور عمر ایوب خان نے اس حوالے سے کہا کہ پوری قوم کو ارشد ندیم پر فخر ہے۔
یہ بھی پڑھیں: جماعت اسلامی کا اظہار تشکر جلسہ، فیض آباد کے مقام پر مری روڈ بند کر دی گئی
ارشد ندیم نے جیولن تھرو کے فائنل میں گولڈ میڈل جیت کر ملک و قوم کا نام روشن کیا ہے۔ پارلیمانی پارٹی اجلاس نے صوابی میں کامیاب جلسہ پر صوبائی قیادت کو مبارکباد دی اور کہا کہ صوابی جلسہ میں ملک بھر سے لاکھوں کی تعداد میں عوام نے شرکت کر کے ثابت کیا کہ پاکستان تحریک انصاف ملک کی مقبول ترین جماعت ہے۔
