By محکمہ موسمیات نے آج رات چاروں صوبوں اور گلگت بلتستان میں بارشوں کی پیشنگوئی کردی۔
تفصیلات کے مطابق محکمہ موسمیات کی جانب سے جاری کی گئی رپورٹ کے مطابق کشمیر، بالائی پنجاب، اسلام آباد ، گلگت بلتستان اور شمال مشرقی بلوچستان میں تیز ہوائیں اور جھکڑ چلنے کے علاوہ گرج چمک کیساتھ مزید بارش کا امکان ہے۔
مزید پڑھیں: مون سون بارشوں نے بلوچستان میں تباہی مچادی
محکمہ موسمیات کا کہنا ہے کہ خیبرپختونخوا ، شمال مشرقی پنجاب اور خطہ پوٹھوہار میں بھی چند مقامات پر موسلادھار بارش متوقع ہے۔ منگل کو ملک میں سب سے زیادہ گرمی تو نوکنڈی میں پڑی ہے۔ اسلام آباد اور گلگت میں درجہ حرارت 32ڈگری سینٹی گریڈ رہا ہے۔ لاہور اور کوئٹہ میں درجہ حرارت 35، کراچی میں33اور پشاور میں 36ڈگری سینٹی گریڈ ریکارڈ کیا گیا ۔
