By ایران سے پاکستانی زائرین کی میتیں لے کر آنے والے سی 130 جہاز نے پاکستانی وقت کے مطابق 6 بجے اور ایرانی وقت کے مطابق 4 بجے یزد ائیرپورٹ سے اڑان بھری ہے۔
سفارتی زرائع کے مطابق ایرانی حکام نے پورے پروٹوکول کے ساتھ پاکستانی زائرین کی میتوں کو رخصت کیاہے اورزائرین کی میتوں کی روانگی سے قبل یزد ہوائی اڈے پر تعزیتی تقریب کا انتظام بھی کیا گیا۔ سفارتی زرایع کے مطابقتقریب میں یزد کے گورنر, مقامی حکام اور پاکستانی سفارت خانے کے سیکنڈ سیکرٹری و دیگر حکام بھی موجود تھے اور شہداء کے لواحقین کے لیے خاک امام رضا کا ہدیہ بھی دیا گیا ہے۔ اس موقع پر تقریب میں زایرین, ایران میں موجود پاکستانی بھی موجود تھےنعشیں لانے والا جہاز پاکستانی وقت کے مطابق رات 8:30
بجے جیکب آباد ہوائی اڈے پر پہنچے گا اورمیتیں رات 10 سے 11 بجے کے درمیان ورثاء و لواحقین کے حوالے کیے جانے کا امکان ہے۔ میتوں کے تابوت پاکستانی و ایرانی پرچم میں لپیٹ کر روانہ کیے گئے ہیں۔میتوں کے ساتھ پاکستانی قونصلر براے زاہدان محمد صدیق بھی ہیں اور پاکستان قونسلر برائے زاہدان جہاز میں میتوں کے ساتھ پاکستان پہنچ رہے ہیں۔ سفارتی زرائع کے مطابق میتوں کی شناخت کا عمل صبح مکمل کر کیا گیا تھا اورشناخت کے بعد ان کا پیپر ورک مکمل کیا گیا تھا۔آفیشل کاغذی کاروائی مکمل ہونے کے بعد ایرانی حکام نے شہداء کو ڈیتھ سرٹیفیکیٹ جاری گے۔اس کیساتھ ساتھمیتوں کے ہمراہ حادثے میں زخمی ہونیوالےزائرین بھی پاکستان پہنچ رہے ہیں۔ ایرانی حکومت کی جانب سے بس حادثہ میں زخمی زایرین کا مفت علاج کیا گیا اورایرانی حکومت نے زخمی زائرین کے ویزا ایکسپائر ہونے کی صورت میں مکمل صحتیابی تک بغیر ویزا رہائش کی سہولت کی یقین دھانی کرائی تھی۔
