By محکمہ تعلیم سندھ نے کہا ہے کہ کل سندھ میں اسکول معمول کے مطابق کھلے رہیں گے۔
محکمہ تعلیم نے تمام سرکاری اور نجی اسکولوں کی انتظامیہ کو ہدایت کی ہے کہ والدین سے رابطے میں رہیں ۔ اسکول بند ہونے یا چھٹی کی افواہوں اور قیاس آرائیوں پر دھیان نہ دیں۔
خیال رہے کہ کراچی کے مختلف علاقوں میں وقفے وقفے سے ہلکی اور تیز بارش کا سلسلہ جاری ہے۔ آج رات سے شروع ہونیوالی شدید بارشیں 31 اگست تک جاری رہنے کی پیشنگوئی کی گئی ہے۔
28اگست کے بعد مون سون سسٹم میں مزید شدت آنے کا امکان ہے۔ دادو اور تھرپارکر سمیت سندھ کے متعدد علاقوں میں طوفانی بارش ہوئی ، مٹیاری میں طوفانی بارش کے باعث سڑکیں تالاب بن گئیں اور گلی محلوں میں پانی جمع ہوگیا۔
اسی طرح بھٹ شاہ میں گھر کی چھت گرنے سے خاتون جاں بحق اور 2بچے زخمی ہوگئے ۔ محکمہ موسمیات کے مطابق مون سون سسٹم بھارتی گجرات میں ہے۔ 29 اگست کی شب جنوبی سندھ میں کراچی اور بدین کے قریب پہنچے گا اور بلوچستان میں مکران ڈویژن کی جانب بڑھے گا۔
