By تحریک انصاف کے 8 ستمبر کے جلسے سے پہلے رکن قومی اسمبلی شیر افضل مروت کا بڑا بیان آگیا۔
شیر افضل مروت نے پشاور میں کہا ہے کہ مجھے 8 ستمبر کے جلسے کی آرگنائزنگ کمیٹی سے باہر رکھا گیا ہے، اب اگر جلسہ ناکام ہواتو میں ذمہ دار نہیں ہوں گا۔ انہوں نے کہا کہ یہ اقدامات اتحاد کمزور کردیں گے۔ وزیراعلیٰ خیبرپختونخوا سے شکات کی۔ انہوں نے بتایا کہ ان کا کوئی کردار نہیں۔
مزید پڑھیں: پی ٹی آئی کے چھپے ہوئے کسی بندے کو باہر آنے کا نہیں کہا، عمران خان
پی ٹی آئی رہنما نے مزید کہا کہ لگتا نہیں کہ حکام پی ٹی آئی کو جلسہ کرنے دیں گے۔ انہوں نے کہا کہ مجھے دور رکھ کر تحریک انصاف کی طاقت کو کمزور کرنے کی کوشش کی گئی ہے۔ میں کسی عہدے کی بھیک نہیں مانگ رہا تھا بلکہ ایک ذمہ داری تھی۔
شیر افضل مروت نے مزید کہا کہ مجھے ذمہ داریوں سے دور رکھ کر آپ پوری ذمہ داری لے رہے ہیں۔
