معرکہ حق : پاکستان کا فتح میزائل سسٹم کا تجربہ، دشمن کو منہ توڑ جواب دینے کا عزم

معرکہ حق میں پاکستان نے فتح میزائل سسٹم کا شاندار تجربہ کر کے دشمن کو منہ توڑ جواب دینے کا عزم کیا۔

پاکستان نے گزشتہ سال 5 مئی 2025 کو جنگی مشق انڈس کے تحت فتح میزائل کے کامیاب تجربے نے پاکستان کی دفاعی تیاریوں کو مزید مضبوط کر دیا۔

بھارت کے دھمکی آمیز بیانات کے جواب میں پاکستان نے اپنی دفاعی صلاحیتوں کا بھرپور اظہار کرتے ہوئے دشمن کو واضح پیغام دیا کہ وہ ہر قسم کی جارحیت کا منہ توڑ جواب دینے کی صلاحیت رکھتا ہے۔

فتح میزائل زمین سے زمین تک 120 کلومیٹر تک ہدف کو نشانہ بنانے کی صلاحیت رکھتا ہے، اس کامیاب تجربے کے دوران جدید نیوی گیشن سسٹم سمیت اہم تکنیکی پہلوؤں کی بھی توثیق کی گئی۔

یہ بھی پڑھیں :معرکۂ حق کی مناسبت سے مزارِ اقبال پر پروقار تقریب، مفکرِ پاکستان کو شاندار خراجِ عقیدت پیش

اس کامیابی کے ذریعے پاکستان نے ایک بار پھر واضح کیا کہ پاک فوج دشمن کی کسی بھی مہم جوئی کا مؤثر جواب دینے کے لئے مکمل طور پر تیار ہے۔

عالمی ماہرین کے مطابق پاکستان نے پہلگام فالس فلیگ کی آڑ میں دشمن کے مذموم عزائم کو بروقت بھانپتے ہوئے فتح میزائل کا کامیاب تجربہ کر کے بھارت کو واضح تنبیہ کر دی ہے۔

ماہرین کا کہنا ہے کہ پاکستان کے اسٹرٹیجک اداروں اور سیکیورٹی فورسز کی پیشہ ورانہ صلاحیتوں کی بدولت ملک کا دفاع ناقابل تسخیر ہے۔

🚨🚨معرکۂ حق کے تناظر میں پاکستان نے اپنی دفاعی صلاحیتوں کا بھرپور مظاہرہ کرتے ہوئے دشمن کو واضح اور دوٹوک پیغام دے دیا۔ 5 مئی 2025 کو جنگی مشق “انڈس” کے تحت کیے گئے اس تجربے میں زمین سے زمین پر مار کرنے والے فتح میزائل نے 120 کلومیٹر تک ہدف کو کامیابی سے نشانہ بنایا، جبکہ جدید… pic.twitter.com/Xw2Z4zLULZ

— Azaad Urdu (@azaad_urdu) May 5, 2026