By قومی اسمبلی کے حلقہ این اے 171 رحیم یار خان میں ضمنی ا لیکشن کا غیر حتمی اور غیر سرکاری نتیجہ آگیا جس کے مطابق پاکستان پیپلز پارٹی (پی پی پی) کے امیدوار نے میدان مار لیا ہے۔
تفصیلات کے مطابق این اے 171 رحیم یار خان میں ضمنی انتخاب کے غیر حتمی اور غیر سرکاری کےمطابق پیپلزپارٹی کے مخدوم طاہر رشید الدین 1 لاکھ 16 ہزار429 ووٹ لے کر کامیاب اُمیدوار قرار پائے ۔
یہ بھی پڑھیں:پارلیمنٹ سے گرفتاریوں پر سارجنٹ ایٹ آرمز سمیت 4 سکیورٹی اہلکار معطل
پاکستان تحریک انصاف (پی ٹی آئی)کے امیدوار حسان مصطفیٰ58 ہزار 251 ووٹ لے کر دوسرے نمبر پر رہے ۔ گزشتہ روز ہونے والی پولنگ کا عمل صبح 8 سے شام 5 بجے تک بغیر کسی وقفے کے جاری رہا۔
حلقہ این اے 171 سے پیپلزپارٹی کے مخدوم طاہر رشید الدین اور تحریک انصاف کے حسان مصطفیٰ کے درمیان کانٹے کے مقابلے کی توقع تھی جبکہ اس حلقے میں4 دیگر آزاد امیدوار بھی انتخابی عمل کا حصہ تھے۔
یہ بھی پڑھیں: عمران خان کی جیل سے رہائی اور مستقبل سے متعلق بڑی پیش گوئی سامنے آگئی
حلقے میں 301 پولنگ سٹیشنز کی سکیورٹی کے لیے 2700 پولیس اہلکار تعینات کئے گئے تھے ۔ واضح رہے یہ نشست پی ٹی آئی کے ایم این اے ممتاز مصطفیٰ کی وفات کے باعث خالی ہوئی تھی اور اس حلقے میں مجموعی طور پر ووٹرز کی تعداد 5 لاکھ 26 ہزار 973 ہے۔
