By امریکی کوسٹ گارڈ کی جانب سے زیرِ سمندر تباہ ہونے والی ٹائٹن آبدوز کے ملبے کی پہلی تصویر جاری کر دی گئی۔
غیر ملکی میڈیا رپورٹس کے مطابق یہ تصویر شمالی بحر اوقیانوس میں ٹائٹن کے ٹوٹے ہوئے حصے کی ہے، جو کئی دنوں کی تلاش کے بعد پایا گیا۔ ملبہ ٹائٹن کے اصل مقام سے کئی سو گز کے فاصلے پر ملا ہے۔
مزید پڑھیں: بدقسمت آبدوز ٹائٹن‘ سے بھیجا گیا آخری پیغام ایک سال بعد سامنے آگیا
امریکی کوسٹ گارڈ نے تصدیق کی ہے کہ اس حادثے میں متاثرین کی فوری موت ہو گئی تھی۔ رپورٹ کے مطابق ٹائٹن آبدوز کا سمندر میں جانے کے ایک گھنٹہ 45 منٹ بعد رابطہ منقطع ہو گیا تھا۔ آبدوز گزشتہ سال جون میں کینیڈا کے ساحل سے دور شمالی بحر اوقیانوس میں تباہ ہو گئی تھی۔
اس حادثے میں پاکستانی تاجر شہزادہ داؤد اور ان کے 19 سالہ بیٹے سلیمان داؤد سمیت 5 افراد جاں بحق ہوئے تھے۔
یاد رہے کہ ٹائی ٹینک بحری جہاز 1912 میں انگلینڈ سے نیو یارک کے اپنے پہلے سفر کے دوران ایک برفانی تودے سے ٹکرا کر ڈوب گیا تھا، جس کے نتیجے میں 15 سو سے زائد افراد ہلاک ہوئے تھے۔
