By انٹر بینک مارکیٹ میں کاروبار کے دوران امریکی ڈالر کی قیمت میں نمایاں کمی دیکھنے میں آئی جو 5 ماہ کے بعد 278 روپے کی سطح سے نیچے آگئی۔
تفصیلات کے مطابق انٹر بینک مارکیٹ میں ڈالر کی قیمت میں 21 پیسے کی کمی ہوئی، جس کے بعد یہ 277 روپے 70 پیسے پر فروخت ہو رہا ہے۔
مزید پڑھیں: سیمنٹ کی قیمتوں میں بڑی کمی ہوگئی
ماہرین اقتصادیات کا کہنا ہے کہ یہ کمی ملکی معیشت کی بہتری اور سرمایہ کاروں کے اعتماد میں اضافے کی علامت ہے۔
دوسری جانب پاکستان اسٹاک ایکسچینج میں زبردست تیزی کا رجحان ہے، جمعہ کو بینچ مارک کے ایس ای-100 انڈیکس 770 پوائنٹس اضافے سے 82 ہزار کی نئی بلند ترین سطح پر پہنچ گیا۔
پی ایس ایکس ویب سائٹ کے مطابق جمعہ کی صبح تقریبا 10 بج کر 49 منٹ پر کے ایس ای-100 انڈیکس 770 پوائنٹس یا 0.95 فیصد بڑھ کر 82 ہزار 229 پر پہنچ گیا، جو گزشتہ روز 81 ہزار 459 پر بند ہوا تھا۔
چیس سیکیورٹیز کے ڈائریکٹر ریسرچ یوسف ایم فاروق نے اس رجحان کو گزشتہ روز حکومتی بانڈز کے شرح منافع میں کمی سے منسلک کیا۔ ان کا کہنا تھا کہ مارکیٹ توقع کر رہی ہے کہ مہنگائی اور شرح سود میں تیزی سے کمی ہوگی۔
