بلوچستان میں سکیورٹی فورسز کی بروقت کارروائی نے تربت شہر میں ایک بڑے دہشتگردی کے منصوبے کو ناکام بنا دیا۔
تفصیلات کے مطابق سکیورٹی فورسز نے دھماکہ خیز مواد برآمد کر کے تربت کو بڑی تباہی سے بچایا، جس کی مقدار 280 کلوگرام ہے۔ یہ دھماکہ خیز مواد ایک گاڑی میں نصب کیا گیا تھا اور اسے تربت میں دہشتگردانہ کارروائی کے لیے استعمال کیا جانا تھا۔ سکیورٹی فورسز کی اس کارروائی نے دہشتگردوں اور ان کے سہولت کاروں کے ناپاک عزائم کو خاک میں ملا دیا ہے۔ دفاعی ماہرین کا کہنا ہے کہ بروقت کارروائی اور بہترین حکمت عملی نے یہ ثابت کر دیا ہے کہ سکیورٹی فورسز ملکی دفاع کے لیے پرعزم ہیں۔
دفاعی ماہرین نے یہ بھی کہا کہ دہشتگردوں کی اس منصوبہ بندی سے ظاہر ہوتا ہے کہ وہ بلوچستان میں ترقی کے عمل کو روکنے کے درپے ہیں۔ انہوں نے یہ عزم ظاہر کیا کہ بلوچستان کے امن کو تباہ کرنے والے دہشتگردوں کو نشان عبرت بنایا جائے گا۔
By 
