By تحریک انصاف کے سابق رہنما اسد عمرنے کہا ہے کہ جہانگیر خان ترین اور علیم خان کے رہنے سے پی ٹی آئی متاثر ہوئی، پارٹی سے دور رہنے کی بنیادی وجہ سردارعثمان بزدار تھے۔
تفصیلات کے مطابق نجی ٹی وی سے گفتگو کرتے ہوئےاسد عمر کا کہنا تھا کہ جب جہانگیر ترین اور علیم خان آتے تھے تو بزدار ڈر گئے تھے میرے پاس ثبوت نہیں لیکن مجھے ایسا لگتا ہے کہ عمران خان کے کان بھرنے والے عثمان بزدار تھے۔
اسد عمر نے کہا کہ جب دباؤ پڑا تو زیادہ تر لوگوں کو اسٹیبلشمنٹ نے ہٹایا۔ جب میں اڈیالہ سے باہر آیا تو ایک صحافی نے مجھ سے اس بارے میں پوچھا تو میں نے کہا پارٹی کا ووٹ بینک عمران خان ہے۔ اصل بات یہ ہے کہ پارٹی کس حکمت عملی پر کام کر رہی ہے۔
کیا ہم امید کر سکتے ہیں کہ یہ پاکستان یا پارٹی کیلئے بہتر ہو گا؟ آئینی ترمیم کے حوالے سے بات کرتے ہوئے ان کا کہنا تھا کہ اتفاق رائے پیدا کرنا مہینوں کا کام تھا۔ جلد بازی میں اور کسی خاص وقت میں کوئی ترمیم کرنا کئی سوالات کو جنم دے گا۔
یہ بھی پڑھیں:مسائل کے حل کے لیے دلیل کی بنیاد پر متحد ہوکرحقوق حاصل کرینگے، گورنر خیبرپختونخوا
صحافی نے سوال کیا کہ کیا آپ کسی پارٹی میں جائیں گے یا خان کا انتظار کریں گے؟ جس پر اسد عمر نے کہا کہ میرا کسی پارٹی میں شامل ہونے کا کوئی ارادہ نہیں ہے ۔ سب کیلئے نیک خواہشات ہیں لیکن ہمدردی پی ٹی آئی کیلئے ہے۔
