ہنڈائی ایلانٹرا ہائبرڈ کی ساتویں جنریشن متعارف

پاکستان آٹو شو 2024 میں ہنڈائی نے اپنی نئی ایلانٹرا ہائبرڈ کی ساتویں جنریشن متعارف کرادی۔ بکنگ کا آغاز ہو گیا۔ 

کاروں کے شوقین افراد کی جانب سے اس گاڑی کا بے چینی سے انتظار کیا جا رہا تھا۔ہنڈائی نے حال ہی میں ایلانٹرا ہائبرڈ کے انٹیریئر کی پہلی جھلک بھی جاری کی ہے۔

گاڑی میں 1.6 لیٹر سمارٹ اسٹریم جی ڈی آئی اٹکنسن سائیکل فور سلنڈر انجن نصب ہے، جو 33 کلو واٹ یا 43 ہارس پاور فراہم کرتا ہے۔اس کے ساتھ ٹارک 170 نیوٹن میٹر ہے، جس کا مجموعی آؤٹ پٹ 139 ہارس پاور اور 264 نیوٹن میٹر ٹارک ہے۔

گاڑی میں 1.32 کلو واٹ آور کی لیتھیم آئن بیٹری بھی شامل ہے، جس کی پاور آؤٹ پٹ 42 کلو واٹ ہے۔گاڑی کا بیرونی ڈیزائن جدید فرنٹ فیشیا اور منفرد پیچھے کے پروفائل کے ساتھ دلکش ہے، جس میں پیرامیٹرک جیول پیٹرن گرل اور ایل ای ڈی ہیڈ لائٹس شامل ہیں۔ پیچھے کی جانب ایل ای ڈی ٹیل لائٹس اس کی چوڑائی کو نمایاں کرتی ہیں۔

یہ سی سیگمنٹ سیڈان 4710 ملی میٹر لمبی، 1825 ملی میٹر چوڑی، اور 1430 ملی میٹر اونچی ہے، جبکہ اس کا ویل بیس 2720 ملی میٹر ہے۔اندرونی حصے میں ایلانٹرا کا ڈیش بورڈ اور سینٹر کنسول ڈرائیور کی طرف جھکے ہوئے ہیں، جو ایک خاص تجربہ فراہم کرتے ہیں۔

اہم خصوصیات میں 10.25 انچ TFT LCD انفارمیشن ڈسپلے، 8 انچ انفوٹینمنٹ ڈسپلے، وائرلیس اینڈرائیڈ آٹو، ایپل کار پلے، ریئر ویو کیمرہ، ڈوئل زون ایئر کنڈیشنر، لیدر سیٹیں، کی لیس انٹری، اور کروز کنٹرول شامل ہیں۔

سیکیورٹی فیچرز میں 2 ایئر بیگ، اے بی ایس، آٹو بریک ہولڈ، ای بی ڈی، بریک اسسٹ، ایمرجنسی اسٹاپ سگنل، الیکٹرانک اسٹیبلیٹی کنٹرول، ہل اسٹارٹ اسسٹ، ٹریکشن کنٹرول، اور پارکنگ بریک شامل ہیں۔

نئی ایلانٹرا ہائبرڈ کی قیمت 96,99,999 روپے مقرر کی گئی ہے، اور بکنگ کا آغاز ہو چکا ہے۔ بکنگ کے لیے 20 لاکھ روپے کی جزوی ادائیگی کی شرط رکھی گئی ہے۔

یہ اقدام ہنڈائی کو ہائبرڈ مارکیٹ میں بہتر مقابلہ کرنے کے لیے تیار کرے گا، خاص طور پر جب کہ صارفین کے درمیان ماحول دوست گاڑیوں کی طلب بڑھ رہی ہے۔