حلیم عادل شیخ ہنگامہ آرائی کے دو مقدمات میں بری

پاکستان تحریکِ انصاف سندھ کے صدر حلیم عادل شیخ کو جوڈیشل مجسٹریٹ ملیر نے ہنگامہ آرائی کے دو مقدمات میں بری کر دیا۔

تفصیلات کے مطابق عدالت میں حلیم عادل شیخ اور دیگر ملزمان کے خلاف سماعت ہوئی، سماعت کے دوران عدالت نے پی ٹی آئی رہنما کی بریت کی درخواست منظور کرلی۔

مزید پڑھیں: پی ٹی آئی رہنمائوں کو بڑا ریلیف مل گیا

عدالت نے سچل تھانے میں درج دونوں مقدمات میں حلیم عادل شیخ کو بری کر دیا۔ حلیم عادل شیخ کے وکیل نے بتایا کہ دونوں مقدمات میں ایک ہی نوعیت کے الزامات عائد کیے گئے تھے۔

پولیس نے ملزمان پر گاڑیوں کے شیشے توڑنے اور پتھراؤ کرنے کے الزامات لگائے تھے، تاہم عدالت نے ان الزامات کو مسترد کرتے ہوئے حلیم عادل شیخ کو ریلیف فراہم کیا۔